तीतुस 1:5 - ओङ राजपूत

⁵ मैं ऐवास्ते तनु क्रेते मां छोड़ली आलता, कि तु बाकि रेहले आले कामा नु सुधार, ते माई आज्ञा चे अनुसार शहरा शहरा मां अग़ुवा नु नियुक्‍त कर।

तीतुस 1:5 Iomraidhean Croise

प्रेरितां चे काम 11:30

ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।

प्रेरितां चे काम 14:23

ते वाणे हर हेक कलीसिया मां वांचे वास्ते अग़ुवा नु चुणले, ते उपवास ते प्राथना करती कर वानु प्रभु चे हाथा मां सोंपले जाये उपर वाणे विश्‍वास करला हुता।

प्रेरितां चे काम 2:11

का यहूदी का यहूदी मत्त धारण करने आले, क्रेती ते अरबी वी छी, पर आपणी-आपणी भाषा मां वाकनु नरीकारा चे बङे-बङे कामा ची चर्चा सुणु पले।”

प्रेरितां चे काम 27:12

ओ बन्दरगाह सर्दी कटणे वास्ते ठीक कोनी हुता, ऐवास्ते घणा ने हा विचार करला कि आग़ु चालणे चाही छै, वाणे ये उम्मीद मां सफर शुरु करती ङिला कि कुई रीति लारे सर्दी पड़ने कनु पेहले अम्ही फीनिक्स शहरा मां पुज़ती जऊं। हा ते हेक क्रेते टापू चा बन्दरगाह हुता, जाये दरवाजे दक्षिण-पक्षिम ते उत्तर-पक्षिम मां खुलते।

प्रेरितां चे काम 27:13

जिसे बेले दक्षिणी हवा चलु लाग़ली, ते वाणे सोचले कि अम्ची मंजिल पुरी हुती गेली। ऐवास्ते वाणे लंगर चती गेला ते क्रेते टापू चे किनारे-किनारे समुन्दर कनु हुते हुले आग़ु बधले।

प्रेरितां चे काम 27:21

जिसे बेले वे घणे ङिहां तक भुक्‍के रेहती चुकले, ते पौलुस ने वांचे आधे मां भिले रेहती कर केहले कि, “हे सज़्ज़ण, हुवणे तां ईं हुते कि, तम्ही माई बात मनती कर, क्रेते टापू कनु जहाजा मां सफर ही ना करा हा ते ना ही हा आफत आवीया ते ना ही हा नुकसान चवणा पडे़हा।

प्रेरितां चे काम 27:7

जिसे बेले अम्ही घणा ङिहां मां धीरे-धीरे सफर करती कर बङी मुश्किल लारे कनिदुस शहर चे सामणे पुज़ले, ऐवास्ते कि हवा अम्चे सनु चले पलती अम्हानु आग़ु ना बधु ङिये ली, बल्ति अम्ही सलमोने चे हेक क्रेते टापू ची ओटक मां हुती कर आग़ु बधले।

1 कुरिन्थियां 11:34

अगर कुई भुक्‍के हो तां आपणे घरे खाती गिहो कि तम्चे भेले हुवणे ङण्ड ची वजह ना बणो। ते बाकि बाता नु मैं आती कर ठीक करती ङी।

1 कुरिन्थियां 14:40

पर सारीया बाता सभ्यता ते क्रमानुसार करलीया जाओ।

1 कुरिन्थियां 4:17

ऐवास्ते मैं तीमुथियुस नु जको प्रभु मां माया प्यारा ते विश्‍वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।

कुलुस्सियां 2:5

कांकि मैं अगर शरीर चे भाव लारे तम्हा कनु दूर छै, तां वी आत्मिक रीति लारे तम्चे लारे छै, ते तम्चे विधि चे अनुसार आचरण ते तम्चा विश्‍वास जको मसीह मां छै मजबूत ङेखती कर खौश हुवे।

1 तीमुथियुस 1:3

जिंवे मैं तनु मकिदुनिया सनु जते बेले, तनु समझाले हुते, कि इफिसुस मां रेहती कर लौका नु हा आज्ञा ङे कि, कूड़ी शिक्षा ना ङे।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

तीतुस 1:12

क्रेते लौका महु हेक जणे ने जको वांचा भविष्यवक्‍ता छै, केहले, “क्रेती बन्दी सदा कूड़े, ते ढौरा जिसड़े दुष्ट ते आलसी ढिडल छी।”