तीतुस 1:3 - ओङ राजपूत

³ नरीकारा ने सही समय उपर ओ वचना नु जको ओ प्रचार चे लारे उजागर करला, जको अम्चे मुक्‍तिदाता नरीकारा ची आज्ञा चे अनुसार मनु सोंपला गेला।

तीतुस 1:3 Iomraidhean Croise

मरकुस 1:15

ते ओणे केहले, “समय पूरा हुला, ते नरीकारा चा राज़ गोढु आती गेला, तम्ही आपणे पापा कनु मन फिरावा ते सुसमाचार चे उपर विश्‍वास करा।”

मरकुस 13:10

पर जरुरी छै कि पेहले सुसमाचार, सारीया जातिया मां प्रचार करला जाओ।

मरकुस 16:15

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

लूका 1:47

ते माई आत्मा माये उद्धार करने आले नरीकारा कनु खौश छै।

प्रेरितां चे काम 10:36

हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।

प्रेरितां चे काम 17:26

ओणे तां हेक मूल लारे बन्दा चा सारीया जातिया धरती उपर रेहणे चे वास्ते बणालीया, ते ओणे ही बन्दा चा समय, ते रेहणे ची जग़हा, ते हद्द वी ब़ांथी ङिली।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 5:6

कांकि जिसे बेले अम्ही कमजोर हुते, तां मसीह ठीक समय उपर अधर्मीया वास्ते मरला।

1 कुरिन्थियां 9:17

अगर मैं आपणी इच्छा लारे प्रचार करे तां मनु ओचा फल मिलही पर अगर मैं प्रचार बिना इच्छा लारे करे तां ईं सेर्फ जिम्मेवारी पुरी करने हुले।

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

इफिसियां 1:10

कि समया चे पुरे हुवणे चा इसड़ा प्रबन्ध हो कि जको कोच्छ स्वर्ग़ा मां छै ते जको कोच्छ धरती उपर छै, सब कोच्छ नरीकार मसीह मां भेले करो।

इफिसियां 2:17

ऐवास्ते आती कर ओणे तम्ही जको नरीकारा कनु दूर हुते ते जको गोढु हुते वानु ङुंहु नु मेल-मिलाप चा सुसमाचार सुणाला।

फिलिप्पियां 1:13

इठे तक कि कैसर राज़ ची पलटन ते बाकि सारे लौका मां ईं उजागर हुती गेले कि मैं मसीह वास्ते कैद छै,

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

1 थिस्सलुनीकियां 2:4

पर जिसड़ा नरीकारा ने अम्हानु काबिल ठहराती सुसमाचार सोंपला, अम्ही यूंही वर्णन करु, ते ऐचे मां बन्दा नु ना, पर नरीकारा नु, जको अम्चे मना नु परखे, खौश करने चे वास्ते प्रचार करु।

1 तीमुथियुस 1:1

पौलुस ची तरफु जको अम्चे उद्धारकर्ता नरीकार, ते अम्ची आस चा अधार मसीह ईशु ची आज्ञा लारे मसीह ईशु चा प्रेरित छै।

1 तीमुथियुस 1:11

हा खरा उपदेश, हाओ परमधन्य नरीकारा ची महिमा चे ओ सुसमाचार चे अनुसार, जको मनु सोंपला गेला।

1 तीमुथियुस 2:3

ईं अम्चे उद्धारकर्ता नरीकारा नु आच्छे लाग़े ते भावे वी।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।

2 तीमुथियुस 4:17

पर प्रभु माया सहायक रेहला, ते मनु सामर्थ ङिली, ताकि माये जरिये पूरा प्रचार हो, ते सारीया नेरीया जातिया सुणती गिहा ते मैं तां शेरा चे मुँहा कनु छुड़ाला गेला।

तीतुस 2:10

ताकि चोरी चलाकी ना करो, पर हर-तरहा कनु विश्‍वास करने आला निकलो, कि वे सारीया बाता मां अम्चे उद्धारकर्ता नरीकार चे उपदेश चा मान बढ़ाती ङियो।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

प्रकाशितवाक्य 14:16

तां जको बदला उपर ब़ेहला हुता, ओणे आपणी ङातरी चलाली ते धरती ची रहड़ बाढती गेली।