रोमियां 9:4 - ओङ राजपूत

⁴ जको सब इस्राएली छी, वानु नरीकारा ची ऊलाद्ध हुवणे चा अधिकार हुता, महिमा, ते वाचा, ते व्यवस्था चा उपहार, ते नरीकारा ची उपासना, ते वायदा वांचीया ही छी।

रोमियां 9:4 Iomraidhean Croise

इफिसियां 2:12

तम्हानु याद छै कि तम्ही पेहले मसीह कनु अलग़, इस्राएल ची प्रजा चे पद्द कनु अलग़ करले हुले, नरीकारा ने आपणे पवित्र लौका लारे जको वायदा करला हुता ओचे मां हेंस्सेदार कोनी हुते, ते दुनिया मां सच्‍चे नरीकारा चे बिना आसा चा जीवन जीते।

रोमियां 9:6

पर हा कोनी कि, नरीकारा चा वचन टलती गेला, ऐवास्ते कि जको इस्राएल चे वंश छी, वे सारे इस्राएली कोनी।

प्रेरितां चे काम 2:39

कांकि हा वायदा तम्चे वास्ते, ते तम्ची ऊलाद्धी वास्ते, ते वा लौका वास्ते जको दूर-दूर रिही पले, जानु प्रभु अम्चा नरीकार आपणे गोढु हकारी।”

इब्रानियां 9:1

पेहली वाचा मां नरीकारा ची अराधना चे बारे मां नियम हुते, इन्सान चे हाथा ची बणाली हुली हेक अराधना ची जग़हा हुती।

रोमियां 8:15

कांकि तम्हानु गुलामी ची आत्मा कोनी मिड़ली, कि बल्ति ङरती जाओ पर नरीकारा ची ऊलाद्ध बणने वास्ते आत्मा मिड़ली, जाये कनु अम्ही, “हे पिताजी, हे ब़ा,” केहती कर हकारु।

यूहन्‍ना 1:17

ऐवास्ते व्यवस्था तां मूसा चे जरिये ङिली गेली, पर अनुग्रह ते सच्‍चाई ईशु मसीह चे जरिये पुज़ली।

इब्रानियां 9:10

ऐवास्ते कि वे सेर्फ खाणे-पीणे चीया चीजा, तरह तरह चे इश्नान विधि चे अधार उपर शरीरिक नियम छी, जको नरीकारा चे नवें विधान तक नियुक्‍त करले गेले छी।

इब्रानियां 9:3

ङुजे पड़दे चे भांसु जको खाने हुते ओ अति पवित्र स्थान किहवाता।

यूहन्‍ना 1:47

ईशु ने नतनएल नु आपणे गोढु आते ङेखती कर ओचे बारे मां केहले, “ङेखा, हा सच्‍चमां इस्राएली छै। ऐचे मां कप्पट कोनी।”

मत्ती 21:33

“हेक नेरी मिसाल सुणा, हेक घरा चा मालिक हुता, जेह्णे अंगूरा ची बाड़ी लाली, विचे चारो-तरफ बाढ़ लाली, विचे मां रस चा कुण्डा खोदला ते मन्हा बणाला ते जमींदारा नु विचा ठेका ङिती कर प्रदेस चाह्‍ला गेला।

रोमियां 3:2

हर-हेक नजरीये लारे ब़ोहत कोच्छ। सबकनु पेहले तां नरीकारा चा वचन यहूदिया नु सोंपला गेला हुता।

2 कुरिन्थियां 11:22

का वे ही इब्रानी छी? मैं वी छै। का वे इस्राएली छी? मैं वी छै। का वे ही अब्राहम चे वंश छी? मैं वी छै।

गलातियां 3:16

यूंही ही अब्राहम ते ओचे आणे आले वंश चे लारे करले गेले वायदे चे बारे मां छै, पवित्रशास्त्र मां ईं कोनी लिखले, “ओचे घणे वंशा वास्ते” अगर इसड़े हुवीया तां घणा ची तरफ इशारा हुवीया, पर पवित्रशास्त्र मां हेक वचन आला, “दुधे वंश वास्ते” जको मसीह छै।

इब्रानियां 9:5

ऐचे अलावा सन्दूके चे उपर ङोनी तेजोमय करुब हुते जको प्रायश्‍चित चे ढकणा चे उपर छां करली भिलते, यांचा हेक-हेक करती विस्तार लारे बावड़ने चा हालि मौका कोनी।

इब्रानियां 9:6

यां सब चे इसड़े प्रबन्ध चे बाद नरीकारा ची अराधना वास्ते याजक हर समय तम्बूआ चे पेहले खाने, यानि पवित्र स्थान मां घिरती कर सेवा चे काम पुरे करते।