रोमियां 5:1 - ओङ राजपूत

¹ कांकि अम्ही विश्‍वासा लारे धर्मी ठहरले, तां आपणे प्रभु ईशु मसीह चे जरिये नरीकारा लारे मेल-मिलाप राखु,

रोमियां 5:1 Iomraidhean Croise

लूका 19:38

“धन्‍न छै ओ राजा, जको प्रभु चे नांवा लारे आवे पला! स्वर्ग़ा मां शान्ति ते आसमान मण्डल मां महिमा हो!”

लूका 19:42

ते केहले, “का ही भले हुवीया कि तु, हव्वे, तु ही, ऐ ङिओ मां शान्ति चा बाता जाणती गिहा, पर हमा वे दुधीया आंखीया कनु लुकती गेलीया।

लूका 2:14

“स्वर्ग़ मां नरीकारा ची महिमा ते धरती उपर वा बन्दा मां जाये कनु ओ खौश छै, शान्ति हो।”

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

प्रेरितां चे काम 10:36

हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।

रोमियां 1:17

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 10:10

कांकि धार्मिकता वास्ते मना लारे विश्‍वास करला जाये, ते उद्धार वास्ते मुँहा लारे अंगीकार करला जाये।

रोमियां 10:15

ते अगर प्रचारक भेज़ले ना जाओ, तां प्रचार किवें करे? जिसड़े कि पवित्रशास्त्रा मां लिखले पले, “वांचे पग़्ग़ कितने सुहावने छी, जको सुसमाचार सुणावी।”

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 15:33

शान्ति चा नरीकार तम्चे सारा चे लारे रिहो। आमीन।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

रोमियां 3:30

कांकि हेक ही नरीकार छै, जको खतना आला नु विश्‍वास लारे ते खतनारहित नु वी विश्‍वास चे जरिये धर्मी ठहरावी।

रोमियां 4:5

पर जको काम ना करी बल्कि नरीकारा उपर विश्‍वास राखे, जको पापी नु वी छोड़ती ङिये, तां ओचा विश्‍वास ओचे वास्ते धार्मिकता गिणली जई।

रोमियां 5:11

ते सेर्फ ईं कोनी, पर अम्ही आपणे प्रभु ईशु मसीह चे जरिये, जाये जरिये अम्चा मेल हुला, नरीकारा मां आनन्दित हुती जऊं।

रोमियां 5:18

ऐवास्ते जिंवे हेक पाप सब इन्साना वास्ते ङण्ड ची आज्ञा ची वजह हुला, उसड़े ही हेक धार्मिकता चे काम वी सब इन्साना वास्ते जीवन चे प्रति धर्मी ठहराले जाणे ची वजह हुवे।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

रोमियां 9:30

तां अम्ही का किहुं? ईं कि नेरीया जातिया ने जको धार्मिकता ची खोज ना करी, धार्मिकता हांसिल करली यानिकि वे धार्मिकता नु जको विश्‍वास लारे छै।

गलातियां 2:16

बल्ति वी ईं जाणु कि कुई बन्दी मूसा चे व्यवस्था चा पालन करने ची वजह कनु धर्मी ना हो सग़ी बल्कि सेर्फ ईशु मसीह पर विश्‍वास करने लारे धर्मी बणाले जाये अम्ही ऐवास्ते ईशु मसीह पर विश्‍वास करला ताकि ऐ विश्‍वास ची वजह कनु अम्ही धर्मी हुती जहु ना कि व्यवस्था चा पालन करने ची वजह कनु। कांकि व्यवस्था चा पालन करने लारे कुई वी बन्दे धर्मी ना बण सग़ी।

गलातियां 3:25

पर जब विश्‍वास आती गेला तां हमा अम्ही सिखावणे आले चे अधीन कोनी रेहले।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 2:7

कि ओ आपणी वे कृपा लारे जको मसीह ईशु मां अम्चे उपर छै, आणे आले समय मां आपणे अनुग्रह चा आसीम धन ङिखाणो।

फिलिप्पियां 3:9

ते ओचे मां ही लाभे माई वे धार्मिकता ची वजह कनु ना जको व्यवस्था चे विधान उपर टिकली हुती, बल्कि वे धार्मिकता ची वजह कनु जको मसीह मां विश्‍वास ची वजह कनु मिले, जको नरीकारा कनु मिले ते जाया अधार विश्‍वास छै।

कुलुस्सियां 1:20

ते ओचे क्रूसा उपर बेहले आले लुहींया चे जरिये मेल-मिलाप करती कर, सारीया चीजा चा ओचे जरिये लारे आपणे लारे मेल करती गिहो, चाहे वे धरती उपर ची हो चाहे स्वर्ग़ा मां हो।

कुलुस्सियां 3:15

ते मसीह ची शान्ति जिसे वास्ते तम्ही हेक शरीर मां हकारले गेले तम्चे दिला मां राज़ करो, ते तम्ही शुक्रगुजारी बणले रिहा।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

2 थिस्सलुनीकियां 3:16

हमा जको प्रभु शान्ति चा स्रोत छै आप ही तम्हानु सदा ते हर-प्रकार ची शान्ति ङियो, प्रभु तम्चे सब चे लारे रिहो।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,