रोमियां 2:3 - ओङ राजपूत

³ ते हे बन्दे, तु जको इसड़े-इसड़े काम करने आला उपर दोष लावी, ते खौद्द ही ऊंही काम करी, का तु समझी पला कि तु नरीकारा ची ङण्ड ची आज्ञा कनु बचती जाये?

रोमियां 2:3 Iomraidhean Croise

मत्ती 23:33

हे नाग़ु! हे अजगर ची ऊलाद्ध! तम्ही नर्का चे ङण्ड कनु किवें बचा?

मत्ती 26:53

का तु ना समझी कि मैं आपणे ब़ा कनु बिनती कर सग़े, ते ओ स्वर्ग़दूता चा ब़ारहा पलटन कनु ज्यादा माये गोढु हमा हाजिर करती ङिही?

लूका 12:14

ओणे ओनु केहले, “ऐ बन्दे, केहणे मनु तम्चा न्यांयी जा जायजात बाटणे आला बणाले?”

लूका 22:58

थोड़ी देर बाद कुई नेरे ने ओनु ङेखती कर केहले, “तु वी तां वांचे महु छी।” पतरस ने केहले, “हे भले मानस, मैं कोनी।”

लूका 22:60

पतरस ने केहले, “हे भले मानस, मैं ना जाणी कि तु का किही पला!” ओ ईं किहे ही पलता कि तुरन्त कूकड़े ने बांग ङिली।

रोमियां 1:32

वे तां नरीकारा ची ये विधि नु जाणी कि इसड़े-इसड़े काम करने आले मौत चे ङण्ड चे लायक छी, पर खौद्द वी करी ते इसड़े काम करने आला चे लारे सहमत वी हुवी।

रोमियां 2:1

ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

रोमियां 2:2

ते अम्ही जाणु कि इसड़े-इसड़े काम करने आला उपर नरीकारा ची ओर कनु सच्‍चे ङण्ड ची आज्ञा हुवे वे।

रोमियां 9:20

हे इन्सान, भला तु कूण छी, जको नरीकारा चा सामना करी? का घड़ली आली चीज घड़ले आले नु केह सग़े, “तु मनु इसड़े कां बणाले?”

1 थिस्सलुनीकियां 5:3

जब लौक किही, कि शान्ति छै, कि कहीं वी ङर कोनी, ते वांचे उपर हेकदम विनाश आती पड़ी, जिंवे करती गर्भवती उपर दर्द हुवे , ते वे किसी रीति लारे नी बचे।

इब्रानियां 12:25

ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

इब्रानियां 2:3

तां अम्ही लौक इसड़े महान उद्धार ची बेपरवाही करती कर आणे आले ङण्ड कनु किवें बच सग़ु? जाई चर्चा सबकनु पेहले खौद्द प्रभु चे जरिये करली गेली, ते प्रभु नु सुणने आला चे जरिये अम्हानु विश्‍वास हुला।