रोमियां 2:1 - ओङ राजपूत

¹ ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

रोमियां 2:1 Iomraidhean Croise

लूका 12:14

ओणे ओनु केहले, “ऐ बन्दे, केहणे मनु तम्चा न्यांयी जा जायजात बाटणे आला बणाले?”

लूका 19:22

“ओणे ओनु केहले, ‘हे दुष्ट दास, मैं दुधे ही मुँहा कनु तनु दोषी ठहरावे पला। तु मनु जाणता कि मैं कठोर इन्सान छै, जको मैं कोनी मेहले ओनु चती गिहे, ते जको मैं कोनी राहले ओनु बाढे।

लूका 6:37

“दोष ना लावा, तां तम्चे उपर वी दोष नी लाला जई। दोषी ना ठहरावा, तां तम्ही वी दोषी नी ठहराले जावा। माफ करा, तां तम्हानु वी माफी मिलती जई।

रोमियां 14:22

दुधा जको विश्‍वास हो, ओनु नरीकारा चे सामणे आपणे ही मना मां राख। धन्‍न छै ओ, जको वे बाते मां, जिसी नु ओ ठीक समझे, आपणे-आप नु दोषी ना ठहरावी।

रोमियां 2:2

ते अम्ही जाणु कि इसड़े-इसड़े काम करने आला उपर नरीकारा ची ओर कनु सच्‍चे ङण्ड ची आज्ञा हुवे वे।

रोमियां 2:3

ते हे बन्दे, तु जको इसड़े-इसड़े काम करने आला उपर दोष लावी, ते खौद्द ही ऊंही काम करी, का तु समझी पला कि तु नरीकारा ची ङण्ड ची आज्ञा कनु बचती जाये?

रोमियां 3:9

ते बल्ति का हुले? का अम्ही वांचे कनु आच्छे छिऊं? कङी वी ना, कांकि अम्ही यहूदिया ते यूनानिया उपर ईं बावड़ती चुकले कि वे सारे चे सारे पाप चे वशा मां छी।

रोमियां 9:20

हे इन्सान, भला तु कूण छी, जको नरीकारा चा सामना करी? का घड़ली आली चीज घड़ले आले नु केह सग़े, “तु मनु इसड़े कां बणाले?”

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

1 कुरिन्थियां 7:16

कांकि हे असतरी, तु का जाणी कि तु आपणे मुणसा चा उद्धार करवाती गिहे? ते हे मर्द, तु का जाणी कि तु आपणी घराआली चा उद्धार करवाती गिहे?

याकूब 2:20

पर ओ निक्‍कमे बन्दे, का तु ईं वी जाणी कि कर्म चे बिना विश्‍वास बेकार छै?

याकूब 4:11

हे माये भऊ, हेके ङुजे ची बदनामी ना करा। जको आपणे भावां ची बदनामी करे, जा ते बल्ति आपणे भावां उपर दोष लावे, ऊं व्यवस्था ची बदनामी करे। ते ऊं व्यवस्था उपर दोष लावे, ते तम्ही व्यवस्था उपर टुरणे आले कोनी, पर न्यां करने आले बणती जावा।