रोमियां 1:5 - ओङ राजपूत

⁵ ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 1:5 Iomraidhean Croise

यूहन्‍ना 1:16

कांकि ओची दया ची भरपूरी महु अम्ही किरपा हांसिल करली यानिकि अनुग्रह उपर अनुग्रह।

प्रेरितां चे काम 1:25

कि ओ ये सेवकाई ते प्रेरिताई ची पद्दवी गिहो जानु यहूदा छोड़ती कर आपणे कर्मा ची सजा भोग़णे वास्ते चाह्‍ला गेलता।”

प्रेरितां चे काम 15:14

शमौन ने बावड़ले कि शुरुआत कनु ही नरीकारा ने किसे तरीके लारे नेरीया जातिया महु आपणे नांवा वास्ते हेक प्रजा चुणने ची कृपा करली।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

रोमियां 16:26

पर हमा प्रकट हुती कर सनातन नरीकारा ची आज्ञा लारे भविष्यवक्‍ता चीया किताबा चे जरिये सब जातिया नु बावड़ला गेला कि वे विश्‍वासा लारे आज्ञा मनणे आले हुती जाओ।

रोमियां 3:29

का नरीकार सेर्फ यहूदिया चा ही छै? का नेरीया जातिया चा कोनी? हव्वे, नेरीया जातिया चा वी छै।

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 9:2

भले ही मनु नेरे लौक प्रेरित ना मनो पर तम्चे वास्ते तां छै कांकि तम्ही प्रभु मां माई प्रेरिताई ची मौहर छिवा।

इफिसियां 1:12

अम्ही जेह्णे पेहले कनु ईशु मसीह उपर उम्मीद राखली, नरीकारा ची महिमा ची स्तुति चे वजह हो सग़ो।

इफिसियां 1:6

नरीकारा ची महिमा कनु भरला आले, ओ अनुग्रह ची स्तुति हो, जो ओणे अम्हानु ओ प्यारे पूता मां मुक्त मे ङिला

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।