रोमियां 1:1 - ओङ राजपूत

¹ हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 1:1 Iomraidhean Croise

मरकुस 1:14

यूहन्‍ना चे पकड़वाले जाणे चे बाद मां, बरब्यान जग़हा कनु आती कर ईशु ने गलील प्रदेस मां नरीकारा चे राज़ चा सुसमाचार प्रचार करला,

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

यूहन्‍ना 15:15

हमा मैं तम्हानु दास नी किही, कांकि कुई दास ना जाणी कि ओचा मालिक का करे वे। बल्कि मैं तम्हानु मित्र किहे पला कांकि मैं तम्हानु हर हेक बात बावड़ती ङिली जको मैं आपणे ब़ा नरीकारा कनु सुणली।

यूहन्‍ना 15:20

जको बात मैं तम्हानु केहली हुती, ‘दास आपणे मालिक कनु बङा ना हुवी,’ विनु याद राखा। अगर वाणे मनु सताले, तां तम्हानु वी सतावे, अगर वाणे माई बात मनली, तां तम्ची वी मने।

प्रेरितां चे काम 13:9

हमा शाऊल ने आपणे आप नु पौलुस किहुं लाग़ला, पवित्र आत्मा लारे भरीती कर ओचे सनु ङेखती कर केहले कि,

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

प्रेरितां चे काम 21:40

जिसे बेले सैनापति ने पौलुस नु आज्ञा ङिली, ते पौलुस पोड़ीया उपर भिले रेहती कर लौका नु हाथा लारे इशारा ङिला। जिसे बेले वे चोप हुती गेले, तां ओ इब्रानी ब़ोली मां ब़ोलु लाग़ला।

प्रेरितां चे काम 22:21

“ते प्रभु ने मनु केहले कि, ‘चाह्‍ला जा, कांकि मैं तनु नेरीया जातिया मां दूर-दूर तक भेज़ी।’ ”

प्रेरितां चे काम 22:7

ते मैं भोंये उपर ढेती पला, ते हा अवाज सुणली, ‘हे शाऊल, हे शाऊल, तु मनु कां सतावी पला?’

प्रेरितां चे काम 26:1

अग्रिप्पा ने पौलुस नु केहले कि, “तनु आपणे बारे मां केहणे ची अनुमति छै।” तब पौलुस ने हाथ ऊंचा करती कर आपणे बचाव चे बारे मां किहुं लाग़ला,

प्रेरितां चे काम 26:14

ते जिसे बेले अम्ही सारे भोंये उपर ढेती पले, तां मैं इब्रानी भाषा मां, मनु केहते हुले हेक अवाज सुणली, ‘हे शाऊल, हे शाऊल, तु मनु कां सतावी पला? धारी उपर लत्त मारनी मुश्किल छै।’

प्रेरितां चे काम 27:23

कांकि नरीकार जाया मैं छै, ते ओची सेवा करे, ओचे स्वर्ग़दूता ने आज़ राती नु माये गोढु आती कर केहले कि,

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 1:9

नरीकार, जाई सेवा मैं आपणी आत्मा लारे ओचे पूता चे सुसमाचार चे बारे मां करे, ओही माया ग़वाह छै कि, मैं किवें आपणी प्राथना मां लगातार तम्हानु याद करता रिहे।

रोमियां 11:13

मैं हमा तम्हानु ये बाता किहे पला, जको नेरीया जातिया छिवा। हमा, जबकि मैं नेरीया जातिया वास्ते प्रेरित छै, तां मैं आपणी सेवकाई मां पुरी कोशिस करे,

रोमियां 15:16

कि मैं नेरीया जातिया वास्ते मसीह ईशु चा सेवक हुती कर नरीकारा चे सुसमाचार ची सेवा हेक याजक चे समान करे, जाये कनु नेरीया जातिया चे मनती गिहा कि भेंट चढ़ाले जाणे, पवित्र आत्मा लारे पवित्र बणती कर ग्रहण करला जाये।

रोमियां 15:29

ते मैं जाणे, कि जिसे बेले मैं तम्चे गोढु आवी, तां मसीह ची पुरी आशीष चे लारे आवी।

रोमियां 16:18

कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

1 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे ईशु मसीह चा प्रेरित हुवणे वास्ते हकारला गेला ते विश्‍वासी भऊ सोस्थिनेस चे तरफु,

1 कुरिन्थियां 9:1

का मैं आजाद कोनी? का मैं प्रेरित कोनी? का मैं अम्चे प्रभु मसीह ईशु नु साक्षात कोनी ङेखले? का तम्ही प्रभु मां माई मेहनती चा फल कोनी?

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2 कुरिन्थियां 11:5

मैं कुई बाते मां वां प्रेरितां कनु कम कोनी जानु तम्ही बङे समझा।

2 कुरिन्थियां 11:7

का ऐचे मां मैं कुई पाप करला कि, मैं तम्हानु नरीकारा चा सुसमाचार मुफ्त मां सुणाला, ते आपणे आप नु झिके करले, कि तम्ही ऊंचे हुती जावा?

2 कुरिन्थियां 12:11

मैं मूर्ख तां बणला, पर तम्ही मनु मजबूर करले, तम्हानु नु तां माई बढ़ाई करनी चाही छै, कांकि अगर मैं कोच्छ वी कोनी, तां वी वां प्रेरितां कनु कुई वी बाते मां कम कोनी जानु तम्ही बङे किहा।

2 कुरिन्थियां 2:12

जिसे बेले मैं मसीह चा सुसमाचार सुणावणे वास्ते त्रोआस मां आला, तब प्रभु ने माये वास्ते हेक दरवाजे खोलती ङिले।

2 कुरिन्थियां 4:5

कांकि अम्ही आपणे आप चा ना, पर मसीह ईशु चा प्रचार करु कि ओ प्रभु छै, ते ओचे बारे मां ईं किहुं कि, अम्ही ईशु चे वजह तम्चे सेवक छिऊं।

गलातियां 1:1

पौलुस नु प्रेरित चा अधिकार, ना इन्साना ची ओर कनु ते ना ही इन्साना चे तरफु, बल्कि ईशु मसीह ते नरीकार ब़ा चे जरिये, जेह्णे ईशु मसीह नु मरले आला महु जिवाले, मिड़ला।

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 2:11

ते हर हेक जुबान ब़ा नरीकार ची महिमा वास्ते ग्रहण करो, कि “ईशु मसीह ही प्रभु छै। ”

कुलुस्सियां 1:1

पौलुस ची तरफा कनु, जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची तरफा कनु,

कुलुस्सियां 1:25

जाया मैं नरीकारा चे ओ प्रबन्ध चे अनुसार सेवक बणला, जको तम्चे वास्ते मनु सोंपला गेला, ताकि मैं नरीकारा चे वचन नु पूरा-पूरा प्रचार करे,

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

1 थिस्सलुनीकियां 2:8

ते यूंही अम्ही तम्ची लालसा करते हुले, ना कि नरीकारा चा सुसमाचार, पर आपणी-आपणी जान वी ङेणे नु तियार हुते, ऐवास्ते कि तम्ही अम्चे प्यारे हुती गेलते।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 तीमुथियुस 1:1

पौलुस ची तरफु जको अम्चे उद्धारकर्ता नरीकार, ते अम्ची आस चा अधार मसीह ईशु ची आज्ञा लारे मसीह ईशु चा प्रेरित छै।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

इब्रानियां 5:4

ते हा आदर चा पद्द कुई आपणी कोशिस लारे कोनी, पर नरीकारा ची ब़ुलाहट लारे मिले, जिंवे हारुन नु मिड़ला हुता।

इब्रानियां 7:26

कांकि इसड़ा ही महायाजक अम्चे लायक हुता, जको पवित्र, ते निष्कपट ते निर्मल ते पापीया कनु अलग़, ते स्वर्ग़ा कनु वी ऊंचा करला आला हो।

याकूब 1:1

नरीकारा चा ते प्रभु ईशु मसीह चा दास याकूब चे तरफु वां ब़ारहा गोत्रा नु जको खिंडती-पुंडती रिही पले वानु नमस्कार पुज़ो।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 1:1

ईशु मसीह चा प्रकाशितवाक्य, जको ओनु नरीकारा ने ऐवास्ते ङिला कि आपणे दासा नु वे बाता, जाये जल्दी हुवणे जरुरी छै ङिखाणो। ओणे आपणे स्वर्ग़दूत नु भेज़ती कर ओचे जरिये आपणे दास यूहन्‍ना नु बावड़ले,

प्रकाशितवाक्य 22:6

ते ओ स्वर्ग़दूता ने मनु केहले, “ये बाता विश्‍वास चे लायक ते सच्‍च छी। ते प्रभु नरीकार जको भविष्यवक्‍ता नु आपणी आत्मा ङिये, आपणे स्वर्ग़दूता नु भेज़ले, कि आपणे दासा नु वे बाता जाये ब़ोहत जल्दी पुरे हुवणे जरुरी छै ङिखाणो।”

प्रकाशितवाक्य 22:9

ते ओणे मनु केहले, “ङेख, तु इसड़े ना कर। कांकि मैं दुधा ते दुधे भावां चा ते भविष्यवक्‍ता चा ते ये किताबे चा बाता नु मनणे आला लारे चा दास छै। नरीकारा नु ही ङण्डवत कर।”