प्रकाशितवाक्य 9:20 - ओङ राजपूत

²⁰ बाकि बन्दा ने जको वां मरीया लारे कोनी मरले हुते आपणे हाथा चे कामा लारे मन कोनी फिराले कि दुष्टात्मा ची ते सोने ते चान्दी ते पित्तल ते पत्थर ते लाकड़ी चीया मूर्तिया ची पूजा ना करो जको ना ङेख ना सोण ना टोर सग़ी।

प्रकाशितवाक्य 9:20 Iomraidhean Croise

मत्ती 21:32

कांकि यूहन्‍ना बपतिस्मा ङेणे आला धर्म चा मार्ग़ ङिखाणता हुला तम्चे गोढु आला, ते तम्ही ओचा विश्‍वास कोनी करला। पर चुंगी गेहणे आला ने ते वेश्या ने ओचा विश्‍वास करला। ते तम्ही ईं ङेखती कर बादा मां वी नी पछताले, ते ना ओचा विश्‍वास करला।”

प्रेरितां चे काम 17:29

“कांकि अम्ही नरीकारा ची ऊलाद्ध छिऊं, ऐवास्ते अम्हानु ईं कङी वी नी सोचणे चाही छै कि, परमात्मा सोने, जा चान्दी, जा पत्थर चे समान छै, जको बन्दे ची कारीगरी ते ओची सोच लारे बणाले गेले हो।

प्रेरितां चे काम 19:26

ते तम्ही ङेखा ते सुणा वी हुवा कि सेर्फ इफिसुस मां ही कोनी बल्कि सारे एशिया प्रदेसा मां वी हा केहती कर पौलुस ने घणा लौका नु समझाले ते भरमाले वी छै, ते जको हाथा चा बणलीया आलीया मूर्तिया छी, वे ईश्‍वर कोनी।

प्रेरितां चे काम 7:41

वां ङिहां मां वाणे हेक बछड़े बणाती कर ओची मूर्ति चे आग़ु बलि चढ़ाली ते आपणे हाथा चे कामा मां मगन हुं लाग़ले।

2 कुरिन्थियां 12:21

ते कङी इसड़े ना हो कि जिसे बेले मैं पुठा आवे, माया नरीकार माई बेइज्जती करो ते मनु घणा वास्ते बल्ति कनु ङोख चवणा पड़ो, जेह्णे पेहले पाप करला हुता, ते वे गन्दी कामे, ते व्यभिचार, ते लोचपण कनु, जको वाणे करले मन कोनी फिराले।

1 तीमुथियुस 4:1

पर पवित्र आत्मा साफ-साफ किहे पला, कि आणे आले समय मां कितने लौक भरमाणे आली कूड़ी आत्मा, ते दुष्टात्मा ची सीख उपर मन लाती कर विश्‍वास कनु बहकती जाये।

प्रकाशितवाक्य 15:1

बल्ति मैं स्वर्ग़ा मां बङा ते अचम्भे चा चैन्ह ङेखला, यानिकि सात स्वर्ग़दूत जाये कनु सात भांसलीया आफता हुतीया, कांकि वांचे हुती जाणे उपर नरीकारा चे गुस्से चा अन्त छै।

प्रकाशितवाक्य 16:8

ते चौथे स्वर्ग़दूता ने आपणा मुंगर सूरजा उपर रेड़ला, ते ओनु बन्दा नु जाखते लारे ब़ालणे चा अधिकार ङिला गेला।

प्रकाशितवाक्य 9:19

कांकि वां घोड़ा ची ताकत वांचे मुँहा ते पूंछा मां हुती, ऐवास्ते कि वांचीया पूंछा नाग़ा जिसड़ीया हुतीया, ते वां पूंछा चे मुँह वी हुते ते वांचे लारे वे दर्द पुचाते।

प्रकाशितवाक्य 9:21

ते जको लुहीं बाहले, ते टूणे करले, ते व्यभिचार करला, ते चोरी वाणे करली हुती, वाणे वांचे कनु वी मन कोनी फिराले।