प्रकाशितवाक्य 8:3 - ओङ राजपूत

³ बल्ति हेक नेरा स्वर्ग़दूत सोने चा धूपदान चती आला ते वेदी चे गोढु आती भिला रेहला ते ओनु घणी धूप ङिली गेली कि सारे पवित्र लौका ची प्राथना चे लारे सोने ची ओ वेदी उपर जको सिंहासना चे सामणे छै चढ़ाओ।

प्रकाशितवाक्य 8:3 Iomraidhean Croise

लूका 1:10

ते धूप ब़ालणे चे समय बन्दा ची सारी मण्डली ब़ाहरु आती प्राथना करे पलती।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

इब्रानियां 7:25

ऐवास्ते जको ओचे जरिये नरीकारा चे गोढु आवी ओ वांचा पूरा-पूरा उद्धार कर सग़े, कांकि ओ वांचे वास्ते बिनती करने वास्ते सदा जीता छै।

इब्रानियां 9:4

ओठे सोने ची धूपदानी, ते सोने चे पत्तर लारे मढ़ली आली वाचा ची सन्दूक, ते विचे मां मना लारे भरले आले सोने चे ठां, ते हारुन ची गेङी जाये मां फूल-फल आती गेलते ते वाचा चीया तख्तीया मेहलीया आलीया हुतीया।

प्रकाशितवाक्य 10:1

बल्ति मैं हेके नेरे ताकतवार स्वर्ग़दूता नु बदल ओढ़ले आले स्वर्ग़ा कनु उतरते ङेखले। ओचे ठोङा उपर मेघधनुष हुता, ओचे मुँह सूरजा आलीकर ते पग़्ग़ जाखते चे खम्बे आलीकर हुते।

प्रकाशितवाक्य 14:18

बल्ति हेक नेरा स्वर्ग़दूत, जानु जाखते उपर अधिकार हुता, वेदी महु निकड़ला, ते जाये कनु तेज धारी ची ङातरी हुती, ओनु ऊंची अवाजी लारे केहले, “आपणी तेज धारी ची ङातरी लारे धरती चे अंगूरा चे ग़ुच्छे बाढती गे, कांकि यिचे अंगूर पकती चुकले।”

प्रकाशितवाक्य 5:8

जिसे बेले ओणे किताब चती गेली, ते वे चाहरी जीती जींये ते चौबीस प्राचीन ओ मैमणे चे सामणे ढेती पले। वांचे महु हर-हेक चे हाथा मां वीणा ते धूप, जको पवित्र लौका चीया प्राथना चे लारे भरले आले सोने चे मुंगर हुते।

प्रकाशितवाक्य 6:9

जब मैमणे ने पाँचवी मौहर खोड़ली, तां मैं वेदी चे तले वांची आत्मा नु ङेखले, जको नरीकारा चे वचना ची वजह ते, वे ग़वाही ची वजह कनु जको वाणे ङिली हुती, मारती नाखले गेलते।

प्रकाशितवाक्य 7:2

बल्ति मैं हेक नेरे स्वर्ग़दूता नु जीते नरीकारा ची मौहर चले हुले उभरते कनु उपर आते ङेखले ओणे वां चाहरी स्वर्ग़दूता नु जानु धरती ते समुन्दर चे नुकसान करने चा अधिकार ङिला गेला हुता ऊंची अवाजी मां साङ मारती कर केहले,

प्रकाशितवाक्य 8:4

वे धूपे चा धूंआ पवित्र लौका ची प्राथना समेत स्वर्ग़दूता चे हाथु नरीकारा चे सामणे पुज़ती गेला।

प्रकाशितवाक्य 8:5

बल्ति स्वर्ग़दूता ने धूपदान चती कर ओचे मां वेदी चे जाखते भरले ते धरती उपर भुकाती ङिले ते गाज ते अवाज ते बिजलीया ते भूकम्प हुं लाग़ले।

प्रकाशितवाक्य 9:13

जिसे बेले छेवें स्वर्ग़दूता ने तुरही बजाली तां सोने ची वेदी जको नरीकारा चे सामणे छै, ओचे चऊं कूणा चे सींगा महु, मैं इसड़ी अवाज सुणली।