प्रकाशितवाक्य 7:11 - ओङ राजपूत

¹¹ ते सारे स्वर्ग़दूत, ओ सिंहासन ते प्राचीना ते चाहरी जीते जींया चे चुधारु भिले ले। बल्ति वे सिंहासना चे सामणे मत्थे टेकले ते नरीकारा नु ङण्डवत करती कर केहले,

प्रकाशितवाक्य 7:11 Iomraidhean Croise

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

यूहन्‍ना 5:23

ऐवास्ते कि सारे लौक जिंवे ब़ा चा कद्दर करी यूंही पूता चा वी कद्दर करा। जको पूता चा कद्दर ना करी ओह ब़ा चा जेह्णे ओनु भेज़ले कद्दर ना करी।

इब्रानियां 1:6

ते जब, नरीकार आपणे पलेठी चे पूता नु संसारा चे सामणे आणे, तां ओ किहे, “नरीकारा चे सारे स्वर्ग़दूत ओचे पूता ची वन्दना करो।”

प्रकाशितवाक्य 11:16

ते चौबीस प्राचीन जको नरीकारा चे सामणे आपणे आपणे सिंहासन उपर ब़ेहले ते, मुँहा बल ढेती कर नरीकारा नु ङण्डवत करती कर,

प्रकाशितवाक्य 15:4

हे प्रभु दुधे कनु कूण नी ङरी? ते दुधे नांवा ची महिमा कूण नी करी? कांकि सेर्फ तु ही पवित्र छी, ते सारीया जातिया आती कर दुधे सामणे ङण्डवत करे, कांकि दुधे न्यां चे काम उजागर हुती गेले।”

प्रकाशितवाक्य 22:9

ते ओणे मनु केहले, “ङेख, तु इसड़े ना कर। कांकि मैं दुधा ते दुधे भावां चा ते भविष्यवक्‍ता चा ते ये किताबे चा बाता नु मनणे आला लारे चा दास छै। नरीकारा नु ही ङण्डवत कर।”

प्रकाशितवाक्य 4:10

तब चौबीस प्राचीन सिंहासना उपर ब़ेसणे आले चे सामणे ढेती पड़े ते ओनु जको युग-युग जीता छै प्रणाम करे ते आपणे आपणे मुग़ट सिंहासन चे सामणे ईं केहते हुले नाखे पती,

प्रकाशितवाक्य 4:4

ओ सिंहासना चे चारो-तरफ चौबीस सिंहासन छी ते यां सिंहासना उपर चौबीस प्राचीन चिट्टी ओढ़णी घाली आले ब़ेहले ले। ते वांचे ठोङा उपर सोने चे मुग़ट छी।

प्रकाशितवाक्य 4:6

ते ओ सिंहासन चे सामणे मना बिल्‍लौर आलीकर शीशे चा समुन्दर छै। सिंहासन चे आधे मां ते सिंहासन चे चारो-तरफ चार जीती जींये छी जाये आग़ु-भांसु आँख ही आँख छी।

प्रकाशितवाक्य 4:8

चऊं जींया चे छाऔ-छाऔ खांपे छी, ते चारो-तरफ ते भीतर आँख ही आँख छी, ते वे रात-ङिओ बिना आराम करले ईं केहते रिही, “पवित्र, पवित्र, पवित्र प्रभु नरीकार सर्वशक्‍तिमान, जको हुता ते जको छै ते जको आणे आला छै।”