प्रकाशितवाक्य 6:11 - ओङ राजपूत

¹¹ वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”

प्रकाशितवाक्य 6:11 Iomraidhean Croise

मत्ती 10:21

“भऊ भावा नु, ते ब़ा पूता नु, मारणे वास्ते सोंपे, ते ब़ाले आई-ब़ा चे विरोध मां खड़े हुती कर वानु मरवाती नाखे।

लूका 15:22

पर ओचे ब़ा ने आपणे सेवका नु केहले, ‘जल्दी आच्छे कनु आच्छी ओढ़णी चती कर ओनु घलावा, ते ओची आंगली मां मुंदरी ते पग़्ग़ा मां जुत्तीया घलावा।

यूहन्‍ना 16:2

वे तम्हानु प्राथनाघरा महु काढ़ती छोड़े, ओ समय आवे पला कि जको कुई तम्हानु मारती नाखी ओह समझी कि ‘मैं नरीकारा ची सेवा करे पला।’

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

2 थिस्सलुनीकियां 1:7

ते तम्ही जको क्लेश पावा, अम्चे लारे सोख हो, ओ समय उपर जिसे बेले कि प्रभु ईशु आपणे सामर्थी दूता चे लारे, धधकते हुले जाखते महु स्वर्ग़ा कनु प्रकट हुवी।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

इब्रानियां 11:40

कांकि नरीकारा ने अम्चे वास्ते पेहले कनु हेक उत्तम बात ठहराली कि वे अम्चे लारे जुड़ले बिना सेद्ध ना बण सग़ो।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

इब्रानियां 4:10

कांकि जेह्णे ओचे विश्राम मां प्रवेश करला, ओणे वी नरीकारा आलीकर आपणे कामा नु पुरे करती कर विश्राम करला।

प्रकाशितवाक्य 10:6

ते जको युग-युग जीता छै, ते जेह्णे स्वर्ग़ा नु ते जको कोच्छ ओचे मां छै, ते धरती नु ते जको कोच्छ विचे उपर छै, ते समुन्दरा नु ते जको कोच्छ ओचे मां छै, याहनु सृजले ओ नरीकारा ची कसम खाती कर स्वर्ग़दूता ने केहले, “हमा तां नेरी देर नी हुवी।

प्रकाशितवाक्य 13:15

ते ओनु ओ ङरावणे ढौरा ची मूर्ति मां प्राण नाखणे चा अधिकार ङिला गेला, कि ढौरा ची मूर्ति ब़ोलु लाग़ो, ते जितनी बन्दी ओ ढौरा ची पूजा नी करे, वानु मारती नाखा।

प्रकाशितवाक्य 14:13

ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।

प्रकाशितवाक्य 7:9

ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।