प्रकाशितवाक्य 4:8 - ओङ राजपूत

⁸ चऊं जींया चे छाऔ-छाऔ खांपे छी, ते चारो-तरफ ते भीतर आँख ही आँख छी, ते वे रात-ङिओ बिना आराम करले ईं केहते रिही, “पवित्र, पवित्र, पवित्र प्रभु नरीकार सर्वशक्‍तिमान, जको हुता ते जको छै ते जको आणे आला छै।”

प्रकाशितवाक्य 4:8 Iomraidhean Croise

प्रेरितां चे काम 20:31

ऐवास्ते जाग़ते रिहा, ते याद करा कि मैं तीन साला तक रात-ङिओ करती कर हींजवे बाहती-बाहती कर, हर हेक नु चिताणे कोनी छोड़ले।

2 कुरिन्थियां 6:18

ते मैं तम्चा ब़ा हुवै, ते तम्ही माये पूत ते धूवा हुवा, हा सर्वशक्‍तिमान प्रभु नरीकारा चा वचन छै।”

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 तीमुथियुस 4:16

आपणी ते आपणे उपदेश ची चौकसी राख। यां बाता उपर टिकला रेह, कांकि अगर इसड़े करता रिहे, तां तु आपणे, ते आपणे सुणने आला चे वास्ते वी उद्धार ची वजह हुवे।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।

इब्रानियां 13:8

मसीह ईशु, काल ते आज़ ते युग-युग हेक जिसड़ा छै।

प्रकाशितवाक्य 1:4

यूहन्‍ना ची ओर कनु आसीया चीया सात कलीसिया चे नांवे: ओची ओर कनु जको छै ते जको हुता ते जको आणे आला छै, ते वां सात आत्मा ची ओर कनु जको ओचे सिंहासन चे सामणे छी,

प्रकाशितवाक्य 1:8

प्रभु नरीकार, जको छै ते जको हुता ते जको आणे आला छै, जको सर्वशक्‍तिमान छै, ईं किहे, “मैं ही अल्फा ते ओमेगा छै।”

प्रकाशितवाक्य 11:17

हा किहुं लाग़ले, “हे सर्वशक्‍तिमान प्रभु नरीकार, जको छै, ते जको हुता, अम्ही दुधा धन्यवाद करु पले, कि तु आपणी बङी सामर्थ नु कामा मां गेहती कर राज़ करला।

प्रकाशितवाक्य 14:11

ते वांचे दर्दा चा धूंआ हमेशा तक चवीता रिही, ते जको ओ ङरावणे ढौरा ची ते मूर्ति ची पूजा करी, ते जको ओचे नांवा ची मौहर लवावे, वानु रात-ङिओ चैन नी मिली।”

प्रकाशितवाक्य 14:3

ते वे सिंहासन चे सामणे ते चऊं जीते जींया ते प्राचीना चे सामणे हेक इसड़े नवें गीत गावी भिलते, जको हेक लख चवालीस हजार बन्दा चे सिवाय जको धरती कनु मोल गेहती कर छुड़ाली गेली हुती सेर्फ वानु छोड़ती कर नेरे कुई वी ऊं गीत ना सीख सग़ले।

प्रकाशितवाक्य 15:3

वे नरीकारा चे दास मूसा चे गीत ते मैमणे चे गीत गावी भिलते, ते किही भिलते कि “हे सर्वशक्‍तिमान प्रभु नरीकार, दुधी कामे बङी छी, ते अचम्भे ची छी, ओ युग-युग चा राजा, दुधी चाल सच्‍ची ते ठीक छै।

प्रकाशितवाक्य 15:7

ते वा चऊं जीते जींया महु हेके ने सात स्वर्ग़दूता नु जको सदा-मदा जीते रेहणे आले नरीकारा चे गुस्से लारे भरीले आले सात सोने चे मुंगर ङिले।

प्रकाशितवाक्य 16:14

ये चैन्ह ङिखाणने आलीया दुष्टात्मा छी, जको सारे संसार चे राजा चे गोढु निकलती कर ऐवास्ते जई, कि वानु सर्वशक्‍तिमान नरीकारा चे ओ बङे ङिओ चे योद्ध चे वास्ते भेले करो।

प्रकाशितवाक्य 16:7

बल्ति मैं वेदी कनु हा शब्द सुणला, “हां ओ सर्वशक्‍तिमान प्रभु नरीकार, दुधे फैंसले सच्‍चे ते ठीक छी।”

प्रकाशितवाक्य 19:15

ते जाति-जाति नु मारणे चे वास्ते ओचे मुँहा कनु हेक तेज धार ची तलवार निकले पलती ली, ते ओ लोहे चा राज़ङण्ड चती कर वांचे उपर राज़ करी, ते ओ सर्वशक्‍तिमान नरीकारा चे खतरनाक गुस्से ची जलजलाहट चे मदिरा चे कुण्डे मां अंगूरा चे रसा नु निचोड़ी।

प्रकाशितवाक्य 19:4

ते चौबीसा प्राचीना ने ते चऊं जीते जींया ने ढेती कर जको सिंहासना उपर ब़ेहले आले नरीकारा नु ङण्डवत करती कर केहले, “हालेलुय्याह! आमीन!”

प्रकाशितवाक्य 21:22

ते मैं कुई ओचे मां मन्दर कोनी ङेखला, कांकि सर्वशक्‍तिमान प्रभु नरीकार, ते मैमणे ओचा मन्दर छै।

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,

प्रकाशितवाक्य 4:4

ओ सिंहासना चे चारो-तरफ चौबीस सिंहासन छी ते यां सिंहासना उपर चौबीस प्राचीन चिट्टी ओढ़णी घाली आले ब़ेहले ले। ते वांचे ठोङा उपर सोने चे मुग़ट छी।

प्रकाशितवाक्य 4:6

ते ओ सिंहासन चे सामणे मना बिल्‍लौर आलीकर शीशे चा समुन्दर छै। सिंहासन चे आधे मां ते सिंहासन चे चारो-तरफ चार जीती जींये छी जाये आग़ु-भांसु आँख ही आँख छी।

प्रकाशितवाक्य 4:9

जिसे बेले वे जींये ओनु जको सिंहासना उपर ब़ेहला, ते जको युग-युग जीता छै, महिमा ते आदर ते धन्यवाद करे,

प्रकाशितवाक्य 5:6

तब मैं ओ सिंहासन ते चाहरी जींया ते प्राचीना चे बीच मां, हेक मैमणे भिले आले ङेखले, ऊं इसड़े ङिसे भिलते ले जिंवे कि बलि चढ़ाले गेले हो, ओचे सात सींगे ते सात आँख हुतीया ये नरीकारा चीया सात आत्मा छी जको सारी धरती उपर भेज़लीया गेलीया।

प्रकाशितवाक्य 6:1

बल्ति मैं ङेखले कि मैमणे ने वां सात मौहरा महु हेक नु खोड़ले। ते वां चार जीते जींया महु हेके ची गाज जिसड़ी अवाज सुणली, “आ।”

प्रकाशितवाक्य 6:6

ते मैं वां चाहरी जीते जींया चे बिचु हेक अवाज हा केहते हुले सुणली, “आणे आले समय उपर धरती उपर अकाल पड़ी, हेके ङिहां ची ङिहाड़ी चे बदले ब़स हेके ङिहां चे खाणे ची कणक मेल सग़ी, ते हेके ङिहां ची ङिहाड़ी चे बदले ब़स तीन ङिहां चे खाणे चे जाओ मेल सग़े। पर जैतून चे तेल ते दाखरस चे कीमत मां कुई बदलावट नी हुवी।”

प्रकाशितवाक्य 7:11

ते सारे स्वर्ग़दूत, ओ सिंहासन ते प्राचीना ते चाहरी जीते जींया चे चुधारु भिले ले। बल्ति वे सिंहासना चे सामणे मत्थे टेकले ते नरीकारा नु ङण्डवत करती कर केहले,

प्रकाशितवाक्य 7:15

येही वजह कनु वे नरीकारा चे सिंहासना चे सामणे छी ते ओचे मन्दरा मां रात-ङिओ ओची सेवा करी ते जको सिंहासना उपर ब़ेहला ओ वांचे उपर आपणा तम्बू तांणी।