प्रकाशितवाक्य 3:8 - ओङ राजपूत

⁸ मैं दुधे कामा नु जाणे, ङेख, मैं दुधे सामणे हेक दरवाजे खोड़ले आले छै, जानु कुई बन्द ना कर सग़ी, दुधी सामर्थ थोड़ी जी तां छै, बल्ति वी तु माये वचना चा पालन करला ते माये नांवा चा इन्कार कोनी करला।

प्रकाशितवाक्य 3:8 Iomraidhean Croise

लूका 12:9

पर जको इन्साना चे सामणे माया इन्कार करी, ओचा नरीकारा चे स्वर्ग़दूता चे सामणे इन्कार करला जई।

यूहन्‍ना 15:20

जको बात मैं तम्हानु केहली हुती, ‘दास आपणे मालिक कनु बङा ना हुवी,’ विनु याद राखा। अगर वाणे मनु सताले, तां तम्हानु वी सतावे, अगर वाणे माई बात मनली, तां तम्ची वी मने।

यूहन्‍ना 17:6

“मैं दुधी महिमा भरले नांवा नु यां इन्साना उपर उजागर करले जानु तु संसारा महु मनु ङिले। वे दुधे हुते, ते तु वानु मनु ङिले ते वाणे दुधे वचना नु मनती गेले।

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

1 कुरिन्थियां 16:9

कांकि माये वास्ते इठे बङी सेवा चा मार्ग़ खुड़ला, ऐचे अलावा इठे माये ब़ोहत सारे विरोधी वी छी।

2 कुरिन्थियां 2:12

जिसे बेले मैं मसीह चा सुसमाचार सुणावणे वास्ते त्रोआस मां आला, तब प्रभु ने माये वास्ते हेक दरवाजे खोलती ङिले।

फिलिप्पियां 4:13

मसीह, जको मनु ताकत ङिये ओचे मां मैं सारीया दशा चा सामना कर सग़े।

कुलुस्सियां 4:3

ऐचे लारे-लारे अम्चे वास्ते प्राथना करते रिहा, कि नरीकार अम्चे वास्ते वचन सुणावणे चा इसड़ा मार्ग़ खोलती ङियो, कि अम्ही मसीह चे ओ भेद चा जिक्र कर सग़ु, जाये वजह मैं कैद मां छै।

1 तीमुथियुस 5:8

पर अगर कुई आपणा ची ते खास करती कर आपणे घराणे ची चिन्ता ना करी, ते ओ विश्‍वास कनु मुकरती गेला, ते अविश्‍वासी कनु वी बुरा बणती गेला।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 22:7

ईशु ने केहले, “ङेखा, मैं ब़ोहत ही जल्दी आणे आला छै, धन्‍न छै ओ, जको ऐ किताबे ची भविष्यवाणी नु मने।”

प्रकाशितवाक्य 3:1

“सरदीस ची कलीसिया चे दूता नु ईं लेख, “जाये गोढु नरीकारा चीया सात आत्मा, ते सात तारे छी, ओ ईं किहे पला कि मैं दुधे कामा नु जाणे, तु जीता तां किहवावी, पर छी मरला आला।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।

प्रकाशितवाक्य 3:15

मैं दुधे कामा नु जाणे कि ना तां तु ठाडा छी ते ना गर्म, भले हुवीया कि तु ठाडा जा गर्म हुवीया।

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,