प्रकाशितवाक्य 3:4 - ओङ राजपूत

⁴ पर हव्वे, सरदीस मां दुधे इठे कोच्छ इसड़े लौक छी जेह्णे आपणी-आपणी ओढ़णी अशुद्ध कोनी करली। वे चिट्टी ओढ़णी घालती माये लारे घूमे कांकि वे ऐचे लायक छी।

प्रकाशितवाक्य 3:4 Iomraidhean Croise

मत्ती 10:11

“जिसे कुई शहर जा गांवा मां जावा, तां पता काढ़ा कि ओठे कूण लायक छै, तां जब तक उठु विदा ना हुवा तब तक ओही घरा मां रुकले रिहा।

मरकुस 16:5

कब्री चे भीतर जती कर वाणे हेके जवाना नु चिट्टी ओढ़णी घाले हुले सज़्ज़े पासु ब़ेहले ङेखले, ते ब़ोहत चकराती गेलीया।

लूका 20:35

पर जको लौक ऐचे लायक हुवे कि ओ युगा मां ते मरले आला महु जीते हुवणे नु हांसिल करे, वे ना बीहा करवावे ते ना बीहा मां ङिले जाये।

लूका 21:36

ऐवास्ते जाग़ते रिहा ते हर समय प्राथना करते रिहा कि तम्ही यां सारीया आणे आलीया आफता कनु बचणे ते मैं इन्साना चे पूता चे सामणे भिले रेहणे चे लायक बणा।”

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

2 थिस्सलुनीकियां 1:5

हा नरीकारा चे सच्‍चे न्यां चा साफ सबूत छै, कि तम्ही नरीकारा चे राज़ चे योग्य ठहरा, जाये वास्ते तम्ही ङोख वी चवा।

यहूदा 1:23

ङुजे लौका नु जाखते महु झपटती कर काढ़ती गिहा, वांचे उपर दया करते बेले चौकस रिहा। पर ओ ओढ़णा कनु वी नफरत करा जको शरीरा चे जरिये कलंकित हुती गेले।

प्रकाशितवाक्य 1:11

“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

प्रकाशितवाक्य 11:13

बल्ति ओही बेले हेक बङा भूकम्प आला, ते शहरा चा ङसवां हेंस्सा ढेती पला, ते ओ भूकम्प लारे सात हजार बन्दी मरती गेली, ते जको बाकि बन्दी बचली वे ङरती गेली, ते स्वर्ग़ा चे नरीकारा ची महिमा करली।

प्रकाशितवाक्य 14:4

ये वे बन्दी छी यांणे कुई असतरी लारे आपणे आप नु गन्दे कोनी करले। कांकि वे कुंवारे हुते, ते जिठे-किठे मैमणे जते, वे बन्दी ओचे भांसु टुरती पड़ती। सारी इन्सानी जाति कनु मोल गेहती कर छुड़ाती गेले ते। वे नरीकारा चे ते मैमणे चे वास्ते रहड़ी चे पेहले फल हुते।

प्रकाशितवाक्य 19:14

ते स्वर्ग़ा ची सैना चिट्टा घोड़ा उपर सवार हुती कर, शोद्ध चिट्टी मलमल ची ओढ़णी घालती कर ओचे भांसु-भांसु छै।

प्रकाशितवाक्य 19:8

ते विनु शोद्ध ते चमकदार ते मलमल ची ओढ़णी घालणे चा अधिकार ङिला गेला।” कांकि वे मलमल ओढ़णा चा हा मतलब छै, कि नरीकारा चे पवित्र लौका चे धर्म चे कामे छी।

प्रकाशितवाक्य 3:18

ऐवास्ते मैं तनु सलाह ङिये, कि जाखते मां तपले आले सोने माये कनु मोल गेहती गे कि तु धन्‍नी हुती जा। ते चिट्टी ओढ़णी गेहती गे कि तु घालती कर तनु आपणे उघाणेपन ची लाज़ ना आओ। ते आपणीया आँखीया मां लावणे वास्ते सुरमा गेहती गे, कि तु ङेखु लाग़ी।

प्रकाशितवाक्य 3:5

जको जीतती जई ओनु यूं करती चिट्टी ओढ़णी घलाली जाये, ते मैं ओचे नां जीवन ची किताबे महु किसी रीति लारे नी कटी, पर ओचे नां आपणे ब़ा ते ओचे स्वर्ग़दूता चे सामणे मनती गिही।

प्रकाशितवाक्य 4:4

ओ सिंहासना चे चारो-तरफ चौबीस सिंहासन छी ते यां सिंहासना उपर चौबीस प्राचीन चिट्टी ओढ़णी घाली आले ब़ेहले ले। ते वांचे ठोङा उपर सोने चे मुग़ट छी।

प्रकाशितवाक्य 6:11

वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”

प्रकाशितवाक्य 7:9

ऐचे बाद मैं नजर करली, ते ङेखा, हर हेक जाति, ते कोल्‍ल, ते लौक ते भाषा महु हेक इसड़ी बङी भीड़, जानु कुई गेण ना सग़ते। चिट्टी ओढ़णी घाली आले ते आपणे हाथा मां खज्जी चा लड़ीया चले हुले सिंहासना चे सामणे ते मैमणे चे सामणे भिली।