प्रकाशितवाक्य 3:21 - ओङ राजपूत

²¹ जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

प्रकाशितवाक्य 3:21 Iomraidhean Croise

मत्ती 19:28

ईशु ने वानु केहले, “मैं तम्हानु सच्‍च किहे पला कि नवीं सृष्टि मां जिसे बेले मैं इन्साना चा पूत आपणी महिमा चे सिंहासना उपर ब़ेसी, तां तम्ही वी जको माये भांसु टुरती पले छिवा, ब़ारहा सिंहासना उपर ब़ेसती कर इस्राएल चे ब़ारहा गोत्रा चा न्यां करा।

मत्ती 25:21

“ओचे मालिका ने ओनु केहले, ‘धन्‍न छी, हे आच्छा ते भरोसेमन्द दास, तु थोड़े मां भरोसेमन्द रेहला, मैं तनु घणीया चीजा चा अधिकारी बणावी। आपणे मालिका ची खुशी मां शामिल हो।’

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

लूका 22:30

कि तम्ही माये राज़ मां माये मेजा उपर खावा पीया, बल्कि सिंहासना उपर ब़ेसती कर इस्राएल चे ब़ारहा गोत्रा चा न्यां करा।

यूहन्‍ना 13:32

अगर माये मां नरीकारा ची महिमा हुली, तां नरीकार वी मैं पूत छै ची महिमा करी, ते तुरन्त करी।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

प्रकाशितवाक्य 1:6

ते अम्हानु हेक राज़ ते आपणे ब़ा नरीकारा चे वास्ते याजक वी बणाती ङिले, ओची महिमा ते पराक्रम युगानयुग हुती रिहो। आमीन।

प्रकाशितवाक्य 12:11

ते वे मैमणे चे लुहींया ची वजह कनु, ते आपणी ग़वाही चे वचन ची वजह कनु, ओचे कनु जीतती गेले, ते वाणे आपणे प्राण नु प्यारे कोनी जाणले, इठे तक कि मौत नु वी सहन करती गेले।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।

प्रकाशितवाक्य 20:6

वे धन्‍न ते पवित्र छी, जको पेहले पुनरुत्थान मां शामिल हुवे, इसड़ा लौका उपर ङुजी मौत उपर कुई अधिकार कोनी, पर वे नरीकार ते मसीह चे याजक हुवे, ते ओचे लारे हजार साला तक राज़ करे।

प्रकाशितवाक्य 5:10

ते वानु अम्चे नरीकारा वास्ते हेक राज़ ते याजक बणाला। वे धरती उपर राज़ करी।”

प्रकाशितवाक्य 6:2

जिसे बेले मैं नजर घूमाती कर ङेखले, ते ङेखा, हेक चिट्टा घोड़ा छै ते ओचा सवार तीर कमाण चली भिला, ते ओनु हेक मुग़ट ङिला गेला ते ओ जय करता हुला निकड़ला कि नेरी वी जय गेहती गिहो।

प्रकाशितवाक्य 7:17

कांकि मैमणे जको सिंहासना चे आधे मां छै वांची ङेखभाल करी, ते जीवन रूपी पाणीया चे सौत्ते चे गोढु गेहती गेले करी, ते नरीकार वांचीया आँखीया महु सारी हींजवे लूहती नाखी।”