प्रकाशितवाक्य 3:14 - ओङ राजपूत

¹⁴ “लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,

प्रकाशितवाक्य 3:14 Iomraidhean Croise

यूहन्‍ना 1:3

सब कोच्छ ओचे ही जरिये पैदा हुले, ते जको कोच्छ पैदा हुले, ओचे मां कुई वी चीज ओचे बिना पैदा कोनी हुली।

यूहन्‍ना 8:14

ईशु ने वानु उत्तर ङिला, “कि अगर मैं आपणी ग़वाही आप ङिये, तां वी माई ग़वाही सच्‍ची छै, कांकि मैं जाणे कि मैं किठु आला ते किठे जाये पला। पर तम्ही ना जाणा कि मैं किठु आला ते किठे जाणे।

2 कुरिन्थियां 1:20

कांकि नरीकारा चे जितने वी वायदे छी, वे सारे ईशु मसीह मां “हां” लारे छी। ते ओचे जरिये अम्ही नरीकारा ची महिमा वास्ते “आमीन” वी किहुं।

कुलुस्सियां 1:15

मसीह अणङेखले नरीकारा चा ङेखला आला रुप छै ते सारे संसारा मां पलेठी चा छै।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

कुलुस्सियां 2:1

मैं चाहवे कि तम्ही जाणती गिहा, कि तम्चे ते वा जको लौदीकिया मां छै, ते वा सारा वास्ते, जेह्णे माये शरीरिक मुँह वी कोनी ङेखले कि मैं किसड़ी मेहनत करे।

कुलुस्सियां 4:16

जिसे बेले हा चिठ्ठी तम्ही पढ़ती गिहा तां इसड़े करजा कि लौदीकिया ची कलीसिया मां वी पढ़ली जाओ, ते वा चिठ्ठी जको लौदीकिया कनु आवे विनु तम्ही वी पढ़जा।

प्रकाशितवाक्य 1:11

“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 19:11

बल्ति मैं स्वर्ग़ा नु खुड़ले आले ङेखले, ते ङेखे कि हेक चिट्टा घोड़ा छै, ते ओचे उपर हेक सवार छै, जको विश्‍वास चे लायक, ते सच्‍च किहवावे, ते ओ धर्म चे लारे फैंसला ते योद्ध करे।

प्रकाशितवाक्य 2:1

“इफिसुस ची कलीसिया चे दूता नु ईं लेख, “जको सात तारे आपणे सज़्ज़े हाथा मां गेहली फिरे ते सोने चे सात ङीवा चे जाला चे आधे मां फिरता रिहे, ओ ईं किहे पला कि,

प्रकाशितवाक्य 21:6

बल्ति ओणे मनु केहले, “ये बाता पुरीया हुती गेलीया। मैं अल्फा ते ओमेगा, आदि ते अन्त छै। मैं तरसेले नु जीवन चे पाणीया चे सोते महु मुफ्त पिलावी।

प्रकाशितवाक्य 22:13

मैं अल्फा ते ओमेगा, पेहला ते आखरी, आदि ते अन्त छै।”

प्रकाशितवाक्य 22:6

ते ओ स्वर्ग़दूता ने मनु केहले, “ये बाता विश्‍वास चे लायक ते सच्‍च छी। ते प्रभु नरीकार जको भविष्यवक्‍ता नु आपणी आत्मा ङिये, आपणे स्वर्ग़दूता नु भेज़ले, कि आपणे दासा नु वे बाता जाये ब़ोहत जल्दी पुरे हुवणे जरुरी छै ङिखाणो।”

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,