प्रकाशितवाक्य 21:8 - ओङ राजपूत

⁸ पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 21:8 Iomraidhean Croise

मत्ती 10:28

जको शरीरा नु घात करी, पर आत्मा नु घात ना कर सग़ी, ओकनु ना ङरजा, पर नरीकारा कनु ही ङरा, जको आत्मा ते शरीर ङुंहु नु नर्का मां नाश कर सग़े।

मत्ती 25:25

ऐवास्ते मैं ङरती गेला ते जती कर दुधा घड़ा माटी मां लुकाती नाखला, ङेख, जको दुधा छै ओ हा छै।’

मत्ती 8:26

ईशु ने वानु केहले, “हे अल्पविश्‍वासी लौक, कां ङरा पले?” बल्ति ओ खड़ा हुती कर अन्धारी नु ते पाणीया नु दड़काले, ते सब शान्त हुती गेले।

मरकुस 9:44

जिठे वांचा कीड़ा ना मरी ते जाखते ना ब़िझी।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

2 थिस्सलुनीकियां 2:9

ओ अधर्मीया चे आणे शैताना चे कामा चे अनुसार सारे तरीके ची कूड़ी सामर्थ, ते चैन्ह, ते निराले कामा चे लारे।

1 तीमुथियुस 4:2

ईं वा कूड़े बन्दा चे कप्पट चे वजह कनु हुवी, जाई समझ सही फैंसला ना गेह सग़ी।

तीतुस 1:16

वे किही, कि अम्ही नरीकारा नु जाणु, पर आपणे कामा लारे ओचा इन्कार करी, कांकि वे किज़ड़े ते आज्ञा ना मनणे आले छी, ते कुई आच्छे कामा चे लायक कोनी।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

इब्रानियां 13:4

बीहा ची बात सम्मानित रिहो ते बीहा चे बीछाणे निष्कलंक रिहो, कांकि नरीकार व्यभिचारीया ते परअसतरी गामीया चा न्यां करी।

1 यूहन्‍ना 2:22

पर जको कुई किही कि ईशु नरीकारा चे तरफु कनु अभिषेक करला आला संसारा नु बचावणे वास्ते कोनी आला, ओ कूड़ा छै, ते इसड़ी बन्दी मसीह चे विरोधी छी, पर जको ङुहुं चा ब़ा ते पूता चा इन्कार करे।

1 यूहन्‍ना 3:15

जको कुई आपणे भावां लारे बैर राखे, ऊं हत्यारे छै, ते तम्ही जाणा कि कुई हत्यारे मां अनन्त जीवन ना रिही।

1 यूहन्‍ना 5:10

जको नरीकारा चे पूता उपर विश्‍वास करे, ऊं आपणे ही मां ग़वाही राखे। जेह्णे नरीकारा उपर विश्‍वास कोनी करला, ओणे ओनु कूड़े ठहराले। कांकि ओणे वे ग़वाही उपर विश्‍वास कोनी करला, जको नरीकारा ने आपणे पूता चे बारे मां ङिली।

प्रकाशितवाक्य 14:10

ते ओ नरीकारा चे गुस्से ची मदिरा जको मुंगरा मां नाखली गेली पीयें, ते पवित्र स्वर्ग़दूता चे सामणे, ते मैमणे चे सामणे जाखते ते गन्धक चे दर्दा मां पड़ला रिही।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 2:11

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई ओनु ङुजी मौत कनु नुकसान नी पुज़ी।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 21:27

पर ओचे मां कुई अपवित्र चीज जा गन्दे काम करने आला, जा कूड़ घड़ने आला, कुई रीति लारे जा ना सग़ी, पर सेर्फ वे लौक जाई नांवे मैमणे ची जीवन ची किताबे मां लिखली आली छी।

प्रकाशितवाक्य 22:15

ये कुत्ती कामे, जादू-टूणे करने आले, ते व्यभिचारी, ते हत्यारे, ते मूर्तिपूजक, ते कूड़ा उपर टुरणे आले, ते कूड़ लारे प्रेम राखणे आले, ब़ाहरु पले रिहे।

प्रकाशितवाक्य 9:17

ते मनु ऐ दर्शना मां घोड़े ते ओचे इसड़े सवार ङिसले, जाये कवच जाखते आलीकर लाल, ते नीले, ते गन्धक जिसड़े पीले कवच घाली आले हुते, ते वां घोड़ा चे ठोङ शेरा चे ठोङा आलीकर हुते, ते वांचे मुँहा महु जाखते ते धूंआ, ते गन्धक निकले पलते।

प्रकाशितवाक्य 9:21

ते जको लुहीं बाहले, ते टूणे करले, ते व्यभिचार करला, ते चोरी वाणे करली हुती, वाणे वांचे कनु वी मन कोनी फिराले।