प्रकाशितवाक्य 21:3 - ओङ राजपूत

³ बल्ति मैं सिंहासन महु कानु ऊंची अवाजी मां हा केहते हुले सुणले कि, “ङेखा, नरीकारा चा डेरा लौका चे बीच मां छै, ओ वांचे लारे डेरा करी, ते वे ओचे लौक हुवे, ते नरीकार आप वांचे लारे रिही, ते वांचा नरीकार हुवी।

प्रकाशितवाक्य 21:3 Iomraidhean Croise

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 14:23

ईशु ने केहले, “अगर कुई माये लारे प्रेम राखी, तां ऊं माये वचना नु मनी। ते माया ब़ा ओचे लारे प्रेम राखी, ते अम्ही ओचे गोढु आऊं ते ओचे लारे रिहुं।

2 कुरिन्थियां 6:16

ते मूर्तिया चे लारे नरीकारा चे मन्दरा चा का रिश्ता? कांकि अम्ही तां जीते नरीकारा चे मन्दर छिऊं, जिसड़े कि नरीकारा ने केहले, “मैं वांचे मां वास करी ते वांचे मां टुरता फिरता रिही, ते मैं वांचा नरीकार हुवी, ते वे माये लौक हुवी।”

2 कुरिन्थियां 6:18

ते मैं तम्चा ब़ा हुवै, ते तम्ही माये पूत ते धूवा हुवा, हा सर्वशक्‍तिमान प्रभु नरीकारा चा वचन छै।”

1 थिस्सलुनीकियां 3:11

ते हमा अम्चा नरीकारा ते ब़ा आप ही ते अम्चा प्रभु ईशु मसीह तम्चे उठे आवणे वास्ते अम्ची अगुवाई करी।

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

इब्रानियां 8:10

बल्ति प्रभु किहे, कि जको वाचा मैं वां ङिहां चे बाद, इस्राएल चे घराणे लारे ब़ांधी, वा हा छै कि, मैं आपणी व्यवस्था नु वांचे मना मां नाखी, ते विनु वांचे दिला उपर लिखी, ते मैं वांचा नरीकार हुवी, ते वे माये लौक हुवे।

इब्रानियां 8:2

ओ अति पवित्र स्थान यानि सच्‍चे तम्बू चा सेवक हुला, जानु कुई इन्साना ने कोनी बल्कि प्रभु ने खड़े करले हुते।

प्रकाशितवाक्य 10:4

जिसे बेले सात गरजणे चीया अवाजी सुणाई ङिती चुकलीया, तां मैं लिखणे उपर हुता, पर मैं स्वर्ग़ा महु हा अवाज सुणली जको बाता गरजणे चे वां, “सात अवाजी लारे सुणलीया वानु गुप्त राख ते ना लेख।”

प्रकाशितवाक्य 10:8

जिसी अवाजी नु मैं स्वर्ग़ा महु ब़ोलते सुणली हुती ओ बल्ति माये लारे बाता करु लाग़ला, “जा, जको स्वर्ग़दूत समुन्दर ते धरती उपर भीलता ला ओचे हाथा कनु खुड़ली आली किताब चती गे।”

प्रकाशितवाक्य 12:10

बल्ति मैं स्वर्ग़ा कनु हा बङा शब्द कानु केहते हुले सुणला कि, “हमा अम्चे नरीकार चा उद्धार, ते सामर्थ, ते राज़, ते ओचे मसीह चा अधिकार उजागर हुला, कांकि अम्चे भावां उपर दोष लावणे आला, जको रात-ङिओ अम्चे नरीकारा चे सामणे वांचे उपर दोष लाता रेहता, तले भुकाती ङिला गेला।

प्रकाशितवाक्य 21:7

जको जीतती जई, ओही यां चीजा चा वारिस हुवी, ते मैं ओचा नरीकार हुवी, ते ओ माया पूत हुवी।

प्रकाशितवाक्य 22:3

ते ओठे कङी श्राप नी हुवी ते नरीकारा चा ते मैमणे चा सिंहासन ओ पवित्र शहर मां हुवी, ते ओचे दास ओची सेवा करे।

प्रकाशितवाक्य 7:15

येही वजह कनु वे नरीकारा चे सिंहासना चे सामणे छी ते ओचे मन्दरा मां रात-ङिओ ओची सेवा करी ते जको सिंहासना उपर ब़ेहला ओ वांचे उपर आपणा तम्बू तांणी।