प्रकाशितवाक्य 21:12 - ओङ राजपूत

¹² ते ओची जको कंध बङी ऊंची हुती, ते ओचे ब़ारहा दरवाजी हुती, ते वा ब़ारहा दरवाजे उपर ब़ारहा स्वर्ग़दूत ब़ेहले आले हुते, ते वा ब़ारहा दरवाजा उपर इस्राएल चे ब़ारहा कोल्‍ल ची नांवे लिखली आली हुती।

प्रकाशितवाक्य 21:12 Iomraidhean Croise

मत्ती 18:10

“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

लूका 15:10

मैं तम्हानु किहे पला कि यूंही हेक मन फिरावणे आले पापी चे बारे मां नरीकारा चे स्वर्ग़दूता चे सामणे खुशी हुवे।”

लूका 16:22

ते इसड़े हुले कि ओ कंगाल मरती गेला, ते स्वर्ग़दूता ने ओनु चती कर अब्राहम ची गोङी मां पुचाले, ते ओ धनवान वी मरला ते पुरीला गेला।

प्रेरितां चे काम 26:7

ओही वायदे चे पुरे हुवणे ची आस लाले हुले, अम्चे ब़ारहा गोत्र आपणे सारे मना लारे रात-ङिओ नरीकारा ची सेवा करते आले। हे राजा, येही आस चे बारे मां यहूदी माये उपर दोष लावी पले।

इब्रानियां 1:14

का सारे स्वर्ग़दूत सेवा वास्ते चुणले आलीया आत्मा कोनी छी कि वे वांची सेवा करो, जको उद्धार गेहणे आले छी?

प्रकाशितवाक्य 21:13

पूरबा सनु तीन दरवाजी हुती, ते उत्तर ची ओर सनु तीन दरवाजी हुती, ते दक्षिण ची ओर सनु तीन दरवाजी हुती, ते पक्षिम ची ओर सनु तीन दरवाजी हुती।

प्रकाशितवाक्य 21:15

ते जको माये लारे बाता करे पलता, ओचे कनु हेक सोने लारे बणले आले नापणे चे कान्‍नै हुते। जाये लारे ओ शहर नु ते दरवाजा नु ते कंधे नु नाप सग़ता।

प्रकाशितवाक्य 21:25

ते ओची दरवाजी ङिहां नु कङी वी बन्द नी हुवे, ते कङी वी ओठे रात नी हुवी।

प्रकाशितवाक्य 22:14

“धन्‍न छी वे जको आपणे ओढ़णा नु धोती गिही, कांकि वानु जीवन चे पेड़ा चे गोढु आणे चा अधिकार मिली, ते वे दरवाजे कनु हुती कर शहरा मां घिरे।