प्रकाशितवाक्य 20:6 - ओङ राजपूत

⁶ वे धन्‍न ते पवित्र छी, जको पेहले पुनरुत्थान मां शामिल हुवे, इसड़ा लौका उपर ङुजी मौत उपर कुई अधिकार कोनी, पर वे नरीकार ते मसीह चे याजक हुवे, ते ओचे लारे हजार साला तक राज़ करे।

प्रकाशितवाक्य 20:6 Iomraidhean Croise

लूका 14:15

ईशु लारे भोज़न करने आला महु हेके ने ये बाता सुणती कर ईशु नु केहले, “धन्‍न छै ओ जको नरीकारा चे राज़ मां रोटी खई।”

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

2 तीमुथियुस 2:12

अगर अम्ही ईशु मसीह चे वास्ते तसल्‍ली सहन करते रिहुं, ते ओचे लारे राज़ वी करु, अगर अम्ही ओचा इन्कार करु तां ओ वी अम्चा इन्कार करी।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

प्रकाशितवाक्य 1:6

ते अम्हानु हेक राज़ ते आपणे ब़ा नरीकारा चे वास्ते याजक वी बणाती ङिले, ओची महिमा ते पराक्रम युगानयुग हुती रिहो। आमीन।

प्रकाशितवाक्य 14:13

ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”

प्रकाशितवाक्य 2:11

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई ओनु ङुजी मौत कनु नुकसान नी पुज़ी।

प्रकाशितवाक्य 20:14

ते मौत ते पताल वी जाखते ची झील मां नाखले गेले। हा जाखते ची झील ही ङुजी मौत छै।

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 22:5

ते ओठे कङी वी रात नी हुवी, ते वानु ङीवे ते सूरजा चे सोज़ले ची जरुरत नी हुवी, कांकि प्रभु नरीकार वानु सोज़ले ङिही, ते वे हमेशा राज़ करते रिहे।

प्रकाशितवाक्य 22:7

ईशु ने केहले, “ङेखा, मैं ब़ोहत ही जल्दी आणे आला छै, धन्‍न छै ओ, जको ऐ किताबे ची भविष्यवाणी नु मने।”

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

प्रकाशितवाक्य 5:10

ते वानु अम्चे नरीकारा वास्ते हेक राज़ ते याजक बणाला। वे धरती उपर राज़ करी।”