प्रकाशितवाक्य 2:26 - ओङ राजपूत

²⁶ जको जीतती जई ते माये कामा चे अनुसार आखरी तक करता रिहे मैं ओनु जाति-जाति चे लौका उपर अधिकार ङी।

प्रकाशितवाक्य 2:26 Iomraidhean Croise

मत्ती 10:22

माये नांवा ची वजह कनु सारे लौक तम्चे लारे बैर राखे, पर जको अन्त तक सब्र करली रिही ओचा उद्धार हुवी।

मत्ती 19:28

ईशु ने वानु केहले, “मैं तम्हानु सच्‍च किहे पला कि नवीं सृष्टि मां जिसे बेले मैं इन्साना चा पूत आपणी महिमा चे सिंहासना उपर ब़ेसी, तां तम्ही वी जको माये भांसु टुरती पले छिवा, ब़ारहा सिंहासना उपर ब़ेसती कर इस्राएल चे ब़ारहा गोत्रा चा न्यां करा।

मत्ती 24:13

पर जको अन्त तक सब्र करली रिही, ओचा उद्धार हुवी।

यूहन्‍ना 6:29

ईशु ने वानु केहले, “नरीकार जको चाहवे, ऊं काम ईं छै, कि ओचे उपर विश्‍वास करा जानु नरीकारा ने भेज़ले।”

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 8:37

पर यां सब बाता मां अम्ही ओचे जरिये जेह्णे अम्चे लारे प्रेम करला, विजेता कनु वी बढ़ती कर छै।

1 थिस्सलुनीकियां 3:5

ऐ वजह कनु जब माये कनु नेरे रेहले ना गेले, तां तम्चे विश्‍वास चा हाल जाणने वास्ते तीमुथियुस नु भेज़ले। कि कहीं इसड़े ना हो, कि परीक्षा करने आले शैताना ने तम्ची परीक्षा करली हो, ते अम्ची मेहनत बेकार हुती गेली हो।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

याकूब 2:20

पर ओ निक्‍कमे बन्दे, का तु ईं वी जाणी कि कर्म चे बिना विश्‍वास बेकार छै?

1 यूहन्‍ना 2:19

तां मसीह चे विरोधी अम्चे महु निकली, पर अम्चे जिसड़े हुते कोनी, कांकि अगर वे सच्‍चमां अम्चे लारे हुवीया तां, अम्चे लारे रिहा, पर निकलती ऐवास्ते गेले कि हा प्रकट हो कि वे सच्‍चमां सारे अम्चे कोनी।

1 यूहन्‍ना 3:23

नरीकारा ची आज्ञा हा छै कि अम्ही नरीकारा चा पूत ईशु मसीह चे सामर्थी नांवा उपर विश्‍वास करु, ते जिसड़ा ईशु ने अम्हानु आज्ञा ङिली ओचे अनुसार आपस मां प्रेम राखु।

1 यूहन्‍ना 5:5

संसारा उपर जय पाणे आले कूण छै? सेर्फ ऊं जाया विश्‍वास छै, कि ईशु, नरीकारा चा पूत छै।

प्रकाशितवाक्य 2:11

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई ओनु ङुजी मौत कनु नुकसान नी पुज़ी।

प्रकाशितवाक्य 2:17

“जाये कान हो वे सुणती गिहो कि आत्मा कलीसिया नु का किहे पला। “जको जीतती जई, ओनु मैं लुकले आले मन्‍ने महु ङी, ते ओनु हेक चिट्टा पत्थर वी ङी, ते ओ पत्थरा उपर हेक नां लिखले आले हुवी, जानु ओचे गेहणे आले चे सिवाय नेरे कुई नी जाणी।

प्रकाशितवाक्य 2:7

“जाये कान हो वे सुणती गिहो, कि आत्मा कलीसिया नु का किहे पला। “जको जीतती जई, मैं ओनु ओ जीवन चे दरख्ता कनु जको नरीकारा चे स्वर्ग़ लौक मां छै, फल खाणे नु ङी।

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।

प्रकाशितवाक्य 21:7

जको जीतती जई, ओही यां चीजा चा वारिस हुवी, ते मैं ओचा नरीकार हुवी, ते ओ माया पूत हुवी।

प्रकाशितवाक्य 22:5

ते ओठे कङी वी रात नी हुवी, ते वानु ङीवे ते सूरजा चे सोज़ले ची जरुरत नी हुवी, कांकि प्रभु नरीकार वानु सोज़ले ङिही, ते वे हमेशा राज़ करते रिहे।

प्रकाशितवाक्य 3:12

जको जीतती जई, ओनु मैं आपणे नरीकारा चे मन्दरा मां हेक खम्बा बणावी, ते ओ बल्ति कङी ब़ाहर नी निकली, ते मैं आपणे नरीकारा चे नां ते आपणे नरीकारा चा शहर यानि नवें यरुशलेम शहरा चे नां, जको माये नरीकारा चे गोढु कनु स्वर्ग़ा कनु उतरने आला छै, ते आपणे नां, ओचे उपर लिखी।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।

प्रकाशितवाक्य 3:5

जको जीतती जई ओनु यूं करती चिट्टी ओढ़णी घलाली जाये, ते मैं ओचे नां जीवन ची किताबे महु किसी रीति लारे नी कटी, पर ओचे नां आपणे ब़ा ते ओचे स्वर्ग़दूता चे सामणे मनती गिही।