प्रकाशितवाक्य 19:11 - ओङ राजपूत

¹¹ बल्ति मैं स्वर्ग़ा नु खुड़ले आले ङेखले, ते ङेखे कि हेक चिट्टा घोड़ा छै, ते ओचे उपर हेक सवार छै, जको विश्‍वास चे लायक, ते सच्‍च किहवावे, ते ओ धर्म चे लारे फैंसला ते योद्ध करे।

प्रकाशितवाक्य 19:11 Iomraidhean Croise

यूहन्‍ना 1:51

बल्ति ओनु केहले, “मैं तम्हानु सच्‍च-सच्‍च किहे पला कि तम्ही स्वर्ग़ा नु खुड़ले आले ङेखा, ते नरीकारा चे स्वर्ग़दूता नु मैं इन्साना चे पूता चे गोढु उतरते ते उपर जते ङेखा।”

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 11:19

ते नरीकारा चा मन्दर जको स्वर्ग़ा मां छै, ओ खोड़ला गेला, ते ओचे मन्दरा मां ओचे वायदे ची सन्दूक ङिसली, ते बिजलीया ते शब्द ते गरजण ते भूकम्प हुले, ते भयानक बङे-बङे ओले ढेले।

प्रकाशितवाक्य 19:19

बल्ति मैं ङरावणे ढौर ते धरती चे राजा ते वांची सैना नु ते ओ घोड़े उपर सवार, ते ओची सैना लारे योद्ध करने चे वास्ते भेले हुले ङेखले।

प्रकाशितवाक्य 19:21

ते बाकि बन्दी ओ घोड़े चे सवार ची तलवारी लारे जको ओचे मुँहा कनु निकलती, मारती नाखले गेले, ते सारे पखीं वांचे मांसा लारे रज़ती गेले।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,

प्रकाशितवाक्य 4:1

यां बाता चे बाद, मैं नजर करली तां का ङेखले, कि स्वर्ग़ा चे हेक दरवाजे खुड़ले आले छै ते जानु मैं पेहले तुरही ची अवाजी जिसड़े आपणे लारे बाता करते सुणले हुते ओह किहे कि, “इठे उपर आती जा, ते मैं वे बाता तनु ङिखाणी जको यां बाता चे बाद पुरे हुवणे जरुरी छै।”

प्रकाशितवाक्य 6:2

जिसे बेले मैं नजर घूमाती कर ङेखले, ते ङेखा, हेक चिट्टा घोड़ा छै ते ओचा सवार तीर कमाण चली भिला, ते ओनु हेक मुग़ट ङिला गेला ते ओ जय करता हुला निकड़ला कि नेरी वी जय गेहती गिहो।