प्रकाशितवाक्य 18:2 - ओङ राजपूत

² ओणे ऊंची अवाजी लारे साङ मारती कर केहले, “ढेती गेला, बङा बेबीलोन शहर ढेती गेला, ओ दुष्टात्मा रेहणे ची जग़हा, ते हर-हेक अशुद्ध आत्मा चा अङा, ते हर-हेक अशुद्ध ते किज़ड़े पखींया चा अङा हुती गेला।

प्रकाशितवाक्य 18:2 Iomraidhean Croise

प्रकाशितवाक्य 1:15

ओचे पग़्ग़ खरे पित्तला आलीकर हुते जिंवे मनती गिहा भट्टी मां तपाले गेले हो ते ओची अवाज घणे पाणीया चे खड़कारा आलीकर हुती।

प्रकाशितवाक्य 10:3

ते इसड़ी बङी अवाजी लारे रड़ला, जिंवे शेर गरजे ते ओ जिसे बेले रड़ला तां गरजण चा सात अवाजी सुणाई ङिलीया।

प्रकाशितवाक्य 11:8

ते वांचीया लाशा ओ बङे शहरा चे चौका मां पलीया रिहे, जिठे वांचा प्रभु वी क्रूसा उपर चढ़ाला गेला हुता। ऐ शहरा नु ऐची बुराई ची वजह कनु, आत्मिक रूपा लारे सदोम ते मिस्र चे नांवा लारे वी हकरवीजे।

प्रकाशितवाक्य 14:15

बल्ति हेक नेरे स्वर्ग़दूता ने मन्दरा महु निकलती कर ओनु, जको बदला उपर ब़ेहला हुता, बङी अवाजी लारे केहले, “आपणी ङातरी चती कर रहड़ी नु बाढणे ची तियारी कर, कांकि रहड़ बाढणे चा समय आती गेला। ऐवास्ते कि धरती ची रहड़ पकती चुकली।”

प्रकाशितवाक्य 14:8

बल्ति ऐचे बाद हेक नेरा, ङुजा, स्वर्ग़दूत ईं केहता हुला आला, “ढेती गेला, ओ बङा बेबीलोन शहर ढेती पला, जेह्णे आपणे व्यभिचार ची भयानक मदिरा सारीया जातिया नु पिलाली।”

प्रकाशितवाक्य 16:13

ते बल्ति मैं ओ अजगर चे मुँहा कनु, ते ओ ङरावणे ढौरा चे मुँहा कनु ते ओचे कूड़े भविष्यवक्‍ता चा मुँहा कनु तीन दुष्टात्मा नु ङेङरा चे रूपा मां निकलते हुले ङेखले।

प्रकाशितवाक्य 16:19

ते ओ बङे शहरा ची तीन टुकड़ी हुती गेली, ते जाति-जाति चे शहर ढेती पले, नरीकारा ने बेबीलोन ची महानगरी नु ङण्ड ङेणे चे वास्ते याद करले हुते, कि ओ आपणे खतरनाक गुस्से ची मदिरा ओनु पिलाओ।

प्रकाशितवाक्य 17:18

ते वा असतरी, जानु तु ङेखले ओ बङा शहर छै, जको धरती चे राजा उपर राज़ करे।”

प्रकाशितवाक्य 17:5

ते विचे मत्थे उपर रहस्यमय नां लिखले आले हुते, “भेद बङा बेबीलोन, धरती चा वेश्या, ते गन्दिया चीजा ची आई।”

प्रकाशितवाक्य 18:10

ते विचे दर्दा नु ङेखती कर दूर भिले रेहती कर किहे, “ ‘हे बङा शहर, बेबीलोन! हे मजबूत शहर, हाय! हाय! तनु थोड़ी जा देरी मां ङण्ड मिलती गेला।’

प्रकाशितवाक्य 18:21

ते बल्ति हेक शक्‍तिशाली स्वर्ग़दूता ने बङी चक्‍की चे पत्थरा आलीकर हेक पत्थर चला, ते हा केहती कर समुन्दरा मां भुकाती नाखला कि, “बङा शहर बेबीलोन, तु यूंही बङी ताकती लारे ढाला जाये, ते बल्ति ओचा कङी वी पता नी लाग़ी।

प्रकाशितवाक्य 5:2

बल्ति मैं हेक ताकतवार स्वर्ग़दूत नु ङेखले जको ऊंची अवाजी लारे हा घोषणा करे पलता, “ये किताबे नु खोलणे ते विची मौहर तरोड़ने चे लायक कूण छै?”