प्रकाशितवाक्य 17:8 - ओङ राजपूत

⁸ जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 17:8 Iomraidhean Croise

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

लूका 10:20

तां वी ऐवास्ते खौश ना हो, कि आत्मा तम्चे बसा मां छै, पर ये बाते कनु खौश हो, कि तम्चे नां स्वर्ग़ा उपर नरीकारा ने लिखले।”

लूका 8:31

वाणे ईशु कनु बिनती करली कि अम्हानु अथाह खङे मां जाणे ची आज्ञा ना ङे।

यूहन्‍ना 17:24

“हे ब़ा, मैं चाहवे कि जानु तु मनु ङिले जिठे मैं छै ओठे वे वी माये लारे हो, कि वे माई वा महिमा ङेखो, जको तु मनु ङिली कांकि तु संसारा ची उत्पत्ति चे पेहले माये लारे प्रेम राखला।

प्रेरितां चे काम 15:18

हा ओही प्रभु किहे जको जग़त ची शुरुआत कनु यां बाता चा समाचार ङिता आला।’

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

प्रकाशितवाक्य 11:7

ते जिसे बेले वे आपणी ग़वाही ङिती गिहे, ते ऊं ङरावणे ढौर जको पताल कोण्ड महु निकली, वांचे लारे लड़ती कर ओ जीतती जई, ते वानु मारती नाखी।

प्रकाशितवाक्य 17:11

ऊं ङरावणे ढौर जको पेहले कङी जीते हुते, पर हमा जीते कोनी, खौद्द ही आठवां राजा छै ते वा साता महु पैदा हुले, ते ओचा वी नाश हुवणे आला छै।

प्रकाशितवाक्य 17:2

धरती चे राजा ने विचे लारे व्यभिचार करला, ते वे जको धरती उपर रिही विची व्यभिचार ची मदिरा मां मतवाले हुती गेले।”

प्रकाशितवाक्य 20:10

ऐचे बाद वांचा भरमाणे आला शैताना नु धधकते जाखते ची गन्धक ची झील मां भुकाले जई, जाये मां ऊं ङरावणे ढौर ते कूड़े भविष्यवक्‍ता वी हुवे, नाखती ङिले जई, सदा-मदा चे वास्ते वानु रात-ङिओ तड़फाले जई।

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।

प्रकाशितवाक्य 20:15

ते जाये काये नां “जीवन ची किताबे” मां लिखले आले कोनी मिड़ले, ओ जाखते ची झील मां नाखला गेला।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।

प्रकाशितवाक्य 3:5

जको जीतती जई ओनु यूं करती चिट्टी ओढ़णी घलाली जाये, ते मैं ओचे नां जीवन ची किताबे महु किसी रीति लारे नी कटी, पर ओचे नां आपणे ब़ा ते ओचे स्वर्ग़दूता चे सामणे मनती गिही।