प्रकाशितवाक्य 17:3 - ओङ राजपूत

³ बल्ति मैं आत्मा मां हुती गेला ते स्वर्ग़दूत मनु बरब्यान जग़हा मां गेहती गेला, ते ओठे मैं हेकी असतरी नु लाल रंगा चे ङरावणे ढौरा उपर ब़ेहले ङेखले, ऊं ढौर नरीकारा ची निन्दा चे नांवा लारे भरीले आले हुते। ते ओचीया सात ठोङीया ते ङस सींगे हुती।

प्रकाशितवाक्य 17:3 Iomraidhean Croise

मत्ती 27:28

ते ओची ओढ़णी उतारती कर ओनु लाल रंगा चा चोला घलाला,

प्रेरितां चे काम 8:39

जिसे बेले वे पाणीया कनु निकलती कर उपर आले, तां प्रभु चा आत्मा फिलिप्पुस नु चती चाह्‍ला गेला, ते मंत्री ने ओनु दुबारा कोनी ङेखले, ते ओ मगन हुता हुला आपणे मार्ग़ा मां चाह्‍ला गेला।

2 थिस्सलुनीकियां 2:4

जको विरोध करे, ते हर हेक कनु जको ईश्‍वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्‍वर ठहरावे।

प्रकाशितवाक्य 1:10

मैं प्रभु चे ङिओ पवित्र आत्मा मां आती गेला, ते आपणे भांसु तुरही जिसड़ी बङी अवाज ईं केहते सुणले,

प्रकाशितवाक्य 12:14

ते वे असतरी नु बङे उकाब ची ङोन खांपे ङिली गेली, कि नाग़ा चे सामणे कनु उङरती कर दूर बरब्यान वे जग़हा उपर चाह्‍ली जाओ, जिठे वा साढे तीन साला तक पाड़ली-पोसली जा सग़ो।

प्रकाशितवाक्य 12:3

ते हेक नेरा चैन्ह स्वर्ग़ा मां ङिसला, ते ङेखा, हेक बङा लाल अजगर हुता, जाया सात ठोङीया ते ङस सींगे हुती, ते ओचे ठोङा उपर सात राजमुङक हुते।

प्रकाशितवाक्य 12:6

ते वा असतरी वे बरब्यान जग़हा मां नासती गेली, जिठे नरीकारा ची ओर कनु विचे वास्ते हेक जग़हा तियार करली गेलती ली, कि ओठे वा हेक हजार ङोन साऔ साठ ङिहां तक पाड़ली-पोसली जाओ।

प्रकाशितवाक्य 17:18

ते वा असतरी, जानु तु ङेखले ओ बङा शहर छै, जको धरती चे राजा उपर राज़ करे।”

प्रकाशितवाक्य 17:4

वे असतरी ने बैंजनी ते लाल रंगा ची ओढ़णी घाली आली हुती। ते सोने, ते बेशकीमती मणिया ते मोतीयां लारे सजली आली हुती, ते विचे हाथा मां हेक सोने चा मुंगर हुता जको गन्दिया चीजा लारे ते गन्दिया बाता लारे ते विचे व्यभिचार लारे भरीला आला हुता।

प्रकाशितवाक्य 18:12

यानिकि सोने, चान्दी, बेशकीमती रतन, मोत्ती, ते मलमल, ते बैंजनी, ते रेशमी, ते किरमिजी ओढ़णी, ते हर-तरीके ची खुश्बुदार लाकड़ी, ते हाथीया चे ङांता लारे हर-तरीके चा बणलीया आलीया चीजा, ते मंहगीया लाकड़ीया, ते पित्तल, ते लोहे, ते संगमरमर चे पत्थरा लारे बणलीया आलीया हर-तरीके चा चीजा।

प्रकाशितवाक्य 18:16

किहे, “ ‘हाय! हाय! हा बङा शहर जको मलमल, ते बैंजनी, ते किरमिजी ओढ़णी घाली आला हुता, ते सोने, ते रतना, ते मोतीयां लारे सजला आला हुता।

प्रकाशितवाक्य 21:10

नरीकारा ची आत्मा मां ओ स्वर्ग़दूत मनु हेक बङे ते ऊंचे पहाड़ा उपर गेहती गेला, ते पवित्र शहर यरुशलेम नु स्वर्ग़ा कनु नरीकारा चे सामणे कनु तले उतरते ङिखाणले।

प्रकाशितवाक्य 4:2

तुरन्त मैं पवित्र आत्मा मां आती गेला, ते का ङेखे पला कि हेक सिंहासन स्वर्ग़ा मां पला ते ओ सिंहासना उपर कुई ब़ेहले ले।