प्रकाशितवाक्य 16:10 - ओङ राजपूत

¹⁰ ते पाँचवे स्वर्ग़दूता ने आपणा मुंगर ओ ङरावणे ढौरा चे सिंहासन उपर रेड़ती ङिला ते ओचे राज़ उपर अन्धारे हुती गेले। ते बन्दी दर्दा कनु आपणीया जुबाना नु खऊं लाग़ती गेली।

प्रकाशितवाक्य 16:10 Iomraidhean Croise

मत्ती 13:42

ते वानु जाखते ची भट्टी मां नाखती ङिये जिठे रोवणे ते ङांत पीसणे हुवी।

मत्ती 13:50

ते वानु जाखते ची भट्टी मां नाखती ङिये जिठे रोवणे ते ङांत पीसणे हुवी।”

मत्ती 22:13

बल्ति राजे ने सेवका नु केहले, ‘ऐचे हाथ पग़्ग़ ब़ांथी कर ऐनू ब़ाहरु अन्धारे मां नाखती ङिया, ओठे रोवणे, ते ङांत पीसणे हुवी।’

मत्ती 24:51

तब ओ ओनु भारी ङण्ड ङिती कर ओचा हेंस्सा कप्पटीयां चे लारे ठहरावी, ओठे रोवणे ते ङांत पीसणे हुवी।”

मत्ती 8:12

पर इस्राएली लौक जको आपणे आप नु नरीकारा चे पूत समझी, वे ही लौक ब़ाहरु अन्धारे मां नाखती ङिले जाये, जिठे रोवणे ते ङांत पीसणे हुवी।”

लूका 13:28

“उठे रोवणे ते ङांत पीसणे हुवी, जिसे बेले तम्ही अब्राहम ते इसहाक ते याकूब ते सारे भविष्यवक्‍ता नु नरीकारा चे राज़ मां ब़ेहले, ते आपणे आप नु ब़ाहर निकाड़ले हुले ङेखा।

1 पतरस 2:17

सारा चा कद्दर करा, विश्‍वासी भावां चे लारे प्रेम राखा, नरीकारा चा आदरभाव करते रिहा, राजे चा कद्दर करा।

प्रकाशितवाक्य 11:10

ते धरती चे रेहणे आले लौक, वांचे मरणे लारे खुशी मनावे ते खौश निहाल हुती जाये, ते हेके ङुजे सनु भेंट भेज़े, कांकि जा ङोन भविष्यवक्‍ता ने धरती उपर रेहणे आला लौका उपर मुसीबत आणली हुती।

प्रकाशितवाक्य 11:2

पर मन्दरा चे ब़ाहर चा बेहड़ा छोड़ती ङे, ओनु ना नाप, कांकि ओ नेरीया जातिया नु ङिला गेला, ते वे पवित्र शहरा नु ब़ियालीस मेहना तक लताड़े।

प्रकाशितवाक्य 11:8

ते वांचीया लाशा ओ बङे शहरा चे चौका मां पलीया रिहे, जिठे वांचा प्रभु वी क्रूसा उपर चढ़ाला गेला हुता। ऐ शहरा नु ऐची बुराई ची वजह कनु, आत्मिक रूपा लारे सदोम ते मिस्र चे नांवा लारे वी हकरवीजे।

प्रकाशितवाक्य 17:17

कांकि नरीकार वांचे मना मां हा नाखी, कि वे ओचे मकसद नु पूरा करो, ते जब-तक नरीकारा चे वचन पुरे ना हुती जई, तब तक हेक मन हुती कर आपणा-आपणा राज़ ओ ङरावणे ढौरा नु ङियो जती।

प्रकाशितवाक्य 17:9

“वे ब़ुध्दि चे वास्ते जाये मां ज्ञान छै, हाओ मौका छै, वे सात ठोङे सात पहाड़ छी, जाये उपर वा असतरी ब़ेहली।

प्रकाशितवाक्य 18:2

ओणे ऊंची अवाजी लारे साङ मारती कर केहले, “ढेती गेला, बङा बेबीलोन शहर ढेती गेला, ओ दुष्टात्मा रेहणे ची जग़हा, ते हर-हेक अशुद्ध आत्मा चा अङा, ते हर-हेक अशुद्ध ते किज़ड़े पखींया चा अङा हुती गेला।

प्रकाशितवाक्य 18:21

ते बल्ति हेक शक्‍तिशाली स्वर्ग़दूता ने बङी चक्‍की चे पत्थरा आलीकर हेक पत्थर चला, ते हा केहती कर समुन्दरा मां भुकाती नाखला कि, “बङा शहर बेबीलोन, तु यूंही बङी ताकती लारे ढाला जाये, ते बल्ति ओचा कङी वी पता नी लाग़ी।

प्रकाशितवाक्य 18:23

ते ङीवे चे सोज़ले बल्ति कङी वी दुधे मां नी चमकी, ते बीन्द ते बीन्दणी ची अवाज बल्ति कङी वी दुधे मां नी सुणीजी। कांकि दुधे व्यपारी धरती चे प्रधान हुते, ते दुधे जादू-टूणे लारे सारीया जातिया भरमालीया गेलीया हुतीया।

प्रकाशितवाक्य 8:12

चौथे स्वर्ग़दूता ने तुरही बजाली, ते सूरजा चा तीजा हेंस्सा, ते चाँदा चा तीजा हेंस्सा ते तारा चे तीजे हेंस्से उपर आफत आली, इठे तक कि वांचे तीजे हेंस्से मां अन्धारे हुती गेले ङिहां चे तीजे हेंस्से मां सोज़ले ना रेहले ते यूंही राती मां वी।

प्रकाशितवाक्य 9:2

ओणे पताल कोण्ड खोड़ला, ते कोण्ड महु भट्टे आलीकर धूंआ ऊठला, ते कोण्ड चे धूंऐ लारे सूरज ते आसमान काले पड़ती गेले।