प्रकाशितवाक्य 15:2 - ओङ राजपूत

² बल्ति मैं हेक शीशे जिसड़ा समुन्दर ङेखला, ओ यूं हुता जिंवे ओचे मां जाखते मिड़ले आले हो, ते ओ ङरावणे ढौरा उपर, ते वे मूर्ति उपर, ते ओचे नांवा चे अंक उपर जीतले हुते, वानु मैं शीशे चे समुन्दरा चे गोढु नरीकारा ची वीणा नु चली भि ले ङेखले।

प्रकाशितवाक्य 15:2 Iomraidhean Croise

मत्ती 3:11

मैं तां तम्हानु मन फिरावणे वास्ते पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै कि मैं ओचे ब़ूटा नु चवणे चे लायक कोनी, ओ तम्हानु खौद्द पवित्र आत्मा ते जाखते लारे बपतिस्मा ङी।

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

1 पतरस 4:12

हे प्यारे दोस्त, जको ङोख तम्हानु परखणे चे वास्ते जाखते चे लारे ङिला जई, ओचे कनु हा समझती कर अचम्भा ना करा कि कुई अनोखी बात तम्चे उपर बीते पली।

प्रकाशितवाक्य 12:11

ते वे मैमणे चे लुहींया ची वजह कनु, ते आपणी ग़वाही चे वचन ची वजह कनु, ओचे कनु जीतती गेले, ते वाणे आपणे प्राण नु प्यारे कोनी जाणले, इठे तक कि मौत नु वी सहन करती गेले।

प्रकाशितवाक्य 13:1

ते मैं हेक ङरावणे ढौरा नु समुन्दरा महु निकलते हुले ङेखले, जाये ङसां सींगा उपर ङस मुग़ट हुते, ते सात ठोङीया हुतीया, ते ओचीया हर-हेक ठोङीया चे उपर नरीकारा ची निन्दा ची नांवे लिखली पलती।

प्रकाशितवाक्य 13:14

ओ धरती चे बन्दा नु भरमाता गेला कांकि ओचे कनु पेहले ङरावणे ढौरा ची मौजुदगी मां चमत्कार ङिखाणने ची शक्‍ति हुती। ङुजे ङरावणे ढौरा ने धरती उपर रेहणे आला बन्दा कनु ओ पेहले ढौरा नु आदर ङेणे वास्ते जाये उपर तलवार लाग़ली हुती ओ जीता हुती गेलता, ओची मूर्ति बणावणे चे वास्ते केहले।

प्रकाशितवाक्य 13:17

कि सेर्फ ओनु छोड़ती कर जाये उपर मौहर यानिकि ओ ङरावणे ढौरा चे नां, जा ते बल्ति ओचे नांवा चा अंक हो, ते नेरे कुई लेन-देन ना कर सग़ो।

प्रकाशितवाक्य 21:18

ते ओ शहरा ची कंधे ची जुड़ाई यशब नांवा ची रतन ची हुती, ते शहर इसड़े शोद्ध सोने चा हुता, जा ते बल्ति साफ-सुथरे शीशे आलीकर हो।

प्रकाशितवाक्य 4:6

ते ओ सिंहासन चे सामणे मना बिल्‍लौर आलीकर शीशे चा समुन्दर छै। सिंहासन चे आधे मां ते सिंहासन चे चारो-तरफ चार जीती जींये छी जाये आग़ु-भांसु आँख ही आँख छी।

प्रकाशितवाक्य 5:8

जिसे बेले ओणे किताब चती गेली, ते वे चाहरी जीती जींये ते चौबीस प्राचीन ओ मैमणे चे सामणे ढेती पले। वांचे महु हर-हेक चे हाथा मां वीणा ते धूप, जको पवित्र लौका चीया प्राथना चे लारे भरले आले सोने चे मुंगर हुते।