प्रकाशितवाक्य 14:4 - ओङ राजपूत

⁴ ये वे बन्दी छी यांणे कुई असतरी लारे आपणे आप नु गन्दे कोनी करले। कांकि वे कुंवारे हुते, ते जिठे-किठे मैमणे जते, वे बन्दी ओचे भांसु टुरती पड़ती। सारी इन्सानी जाति कनु मोल गेहती कर छुड़ाती गेले ते। वे नरीकारा चे ते मैमणे चे वास्ते रहड़ी चे पेहले फल हुते।

प्रकाशितवाक्य 14:4 Iomraidhean Croise

मत्ती 19:12

कांकि कोच्छ हीजड़े इसड़े छी जको आई चे ढिड्डा कनु ही इसड़े जमले। ते कोच्छ हीजड़े इसड़े छी जानु बन्दा ने हीजड़े बणाले, ते कोच्छ बन्दी इसड़ी छी, जेह्णे स्वर्ग़ा चे राज़ मां जाणे वास्ते बीहा कोनी करने चा फैंसला करला। जको ऐ उपदेशा नु गेहणे चाहवे ऊं गिहो।”

मत्ती 25:1

बल्ति ईशु ने केहले, “स्वर्ग़ चा राज़ वां ङस कुंवारीया आलीकर छै, जको मशाला चती बीन्दा चे दर्शन वास्ते निकड़लीया।

मत्ती 8:19

तब हेक शास्त्रीया ने ओचे गोढु आती कर ओनु केहले, “हे गुरु, जिठे-किठी तु जाये, मैं दुधे भांसु टुरती पड़ी।”

यूहन्‍ना 10:27

माया भेङा माई अवाज सुणी, मैं वानु जाणे, ते वे माये भांसु-भांसु टुरी।

यूहन्‍ना 12:26

अगर कुई माई सेवा करने चाहवे तां माये भांसु टुरणे पड़ी, जिठे मैं छै, उठे माया दास वी हुवी। अगर कुई माई सेवा करे तां माया ब़ा ओचा कद्दर करी।

यूहन्‍ना 13:37

पतरस ने ओनु केहले, “हे प्रभु, हमा मैं दुधे भांसु कां ना आ सग़ी? मैं तां दुधे वास्ते आपणी जान वी ङिती ङिही।”

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

1 कुरिन्थियां 6:20

कांकि तम्ची कीमत ङिती कर मोल खरीदले, ऐवास्ते आपणे शरीरा चे जरिये नरीकारा ची महिमा करा।

1 कुरिन्थियां 7:28

पर अगर तु बीहा वी करे तां पाप कोनी ते अगर कुई कुंवारी कन्या बीहा करवावे तां कुई पाप कोनी। पर इसड़ा नु शरीरिक ङोख हुवी ते मैं तम्हानु ऐचे कनु बचावणे चाहवे।

2 कुरिन्थियां 11:2

कांकि मैं तम्चे बारे मां नरीकारा आलीकर धोन्‍न लाली रिहे, ऐवास्ते कि मैं हेके ही मर्दा लारे तम्ची बात पक्‍की करती ङिली यानिकि मसीह लारे, तम्हानु पवित्र कुंवारी चे समान मसीह नु सोंपती ङिये।

इफिसियां 1:14

पवित्र आत्मा ओचे मोल गेहले आला वास्ते छुटकारे चे वास्ते अम्ची वसीयत ची जमानत छै, कि ओचे लारे नरीकारा ची महिमा ची स्तुति हो।

इफिसियां 5:27

ते विनु हेक इसड़ी तेजस्वी कलीसिया बणाती कर आपणे गोढु खड़ी करो, जाये मां ना कंलक, ना झुर्री, ना कुई इसड़ी चीज हो, बल्कि पवित्र ते निर्दोष हो।

1 तीमुथियुस 4:3

जको बीहा करने कनु रोके, ते खाणे ची कोच्छ चीजा कनु दूर रेहणे ची आज्ञा ङिये, जानु नरीकारा ने ऐवास्ते रचले कि विश्‍वास करने आला, ते सच्‍च नु पिछाणने आले वानु धन्यवाद चे लारे खाये।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 21:22

ते मैं कुई ओचे मां मन्दर कोनी ङेखला, कांकि सर्वशक्‍तिमान प्रभु नरीकार, ते मैमणे ओचा मन्दर छै।

प्रकाशितवाक्य 21:23

ते ओ शहरा मां सूरज ते चाँदा चे सोज़ले ची जरुरत कोनी। कांकि नरीकारा चे तेज लारे ओचे मां सोज़ले हुवे पले, ते मैमणे ओचा ङीवा छै।

प्रकाशितवाक्य 3:4

पर हव्वे, सरदीस मां दुधे इठे कोच्छ इसड़े लौक छी जेह्णे आपणी-आपणी ओढ़णी अशुद्ध कोनी करली। वे चिट्टी ओढ़णी घालती माये लारे घूमे कांकि वे ऐचे लायक छी।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।