प्रकाशितवाक्य 13:16 - ओङ राजपूत

¹⁶ ते ओणे छोटे, बङे, कंगाल, आजाद, दास सारे चे सज़्ज़े हाथा उपर जा वांचे मत्थे उपर हेक-हेक मौहर लवाणे चे वास्ते मजबूर करले।

प्रकाशितवाक्य 13:16 Iomraidhean Croise

प्रेरितां चे काम 26:22

पर हमा तक माई सहायता नरीकार करता रेहला, ते का छोटे, ते का बङे मैं तम्चे सारा चे सामणे ग़वाही ङिये पला, ते वा बाता नु छोड़ती कर कहीं वी ना किही, जको भविष्यवक्‍ता ने ते मूसा ने वी केहले कि हुवणे आलीया छी।

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

गलातियां 3:28

हमा ना कुई यहूदी रेहला ना कुई यूनानी, ना कुई गुलाम रेहला ना कुई आजाद, ना मर्द रेहला ना कुई असतरी कांकि तम्ही सारे ईशु मसीह मां हेक छिवा,

गलातियां 6:17

चिठ्ठी नु लिखती कर बन्द करते बेले मैं तम्हा कनु बिनती करे पला कि उग़ते वास्ते कुई मनु ङोख ना ङियो, कांकि मैं ईशु चे दाग़ा नु आपणी देह मां गेहली फिरे।

इफिसियां 6:8

याद राखा, तम्चे महु हर हेक चाहे कुई सेवक हो जा कुई आजाद हो, अगर कुई आच्छे काम करी ते ओनु प्रभु कनु आच्छा फल मिली।

कुलुस्सियां 3:11

मतलब हा छै कि मसीह मां हमा ना तां कुई यूनानी रेहला, ना यहूदी, ना खतना, ते ना ही खतनारहित, ना जंगली, ना असभ्य, ना दास ते ना आजादी, मसीह यां सारा मां छै, ये सारी मसीह मां छी।

2 तीमुथियुस 3:8

ते जिंवे यन्‍नेस ते यम्ब्रेस जको सिखावणे आले हुते, वाणे मूसा चा विरोध करला हुता, यूंही ये वी सच्‍चाई चा विरोध करी, ये तां इसड़ी बन्दी छी, जाया दिमाक खत्तम हुती गेला ते वे विश्‍वास मां निक्‍कमे छी।

प्रकाशितवाक्य 11:18

ते नेरीया जातिया ने गुस्सा करला, ते दुधा प्रकोप आती पड़ला, ते ओ समय आती पुज़ला, कि मरला आला चा न्यां करला जाओ, ते दुधे दास भविष्यवक्‍ता ते पवित्र लौका नु ते वां छोटे बङा नु जको दुधे नांवा लारे ङरी, बदला ङिला जाओ। ते धरती चे बिगाड़ने आले नाश करले जाओ।”

प्रकाशितवाक्य 15:2

बल्ति मैं हेक शीशे जिसड़ा समुन्दर ङेखला, ओ यूं हुता जिंवे ओचे मां जाखते मिड़ले आले हो, ते ओ ङरावणे ढौरा उपर, ते वे मूर्ति उपर, ते ओचे नांवा चे अंक उपर जीतले हुते, वानु मैं शीशे चे समुन्दरा चे गोढु नरीकारा ची वीणा नु चली भि ले ङेखले।

प्रकाशितवाक्य 19:18

जाये कनु तम्ही राजा चा मांस, ते सरदारा चा मांस, ते खास बङा लौका चा मांस, ते घोड़ा चा मांस, ते वांचे उपर सवार बन्दा चा मांस, ते का ही आजाद लौक, का दास, का छोटे, का बङे, सारे लौका चा मांस खावा।”

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 19:5

तब सिंहासन महु हेक शब्द निकड़ला कि, “हे अम्चे नरीकारा कनु सारे जणे ङरणे आले दास, का छोटे, का बङे, तम्ही सारे ओची स्तुति करा।”

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।

प्रकाशितवाक्य 6:15

बल्ति धरती चे राजे, ते प्रधान, ते सरदार, ते धनवान, ते बलवान लौक ते हर हेक दास ते हर हेक आजाद पहाड़ा ची घौरा मां ते चट्टाना मां जती लुकले।

प्रकाशितवाक्य 7:3

“जब तक अम्ही आपणे नरीकारा चे दासा चे मत्थे उपर मौहर ना लाती गिहुं बल्ति तक धरती ते समुन्दर ते दरख्ता नु नुकसान ना पुचाजा।”