प्रकाशितवाक्य 13:15 - ओङ राजपूत

¹⁵ ते ओनु ओ ङरावणे ढौरा ची मूर्ति मां प्राण नाखणे चा अधिकार ङिला गेला, कि ढौरा ची मूर्ति ब़ोलु लाग़ो, ते जितनी बन्दी ओ ढौरा ची पूजा नी करे, वानु मारती नाखा।

प्रकाशितवाक्य 13:15 Iomraidhean Croise

याकूब 2:26

तां जिंवे देह आत्मा बिना मरली आली छै यूंही विश्‍वास वी कर्म बिना मरला आला छै।

प्रकाशितवाक्य 13:1

ते मैं हेक ङरावणे ढौरा नु समुन्दरा महु निकलते हुले ङेखले, जाये ङसां सींगा उपर ङस मुग़ट हुते, ते सात ठोङीया हुतीया, ते ओचीया हर-हेक ठोङीया चे उपर नरीकारा ची निन्दा ची नांवे लिखली पलती।

प्रकाशितवाक्य 13:12

ते हा ओ पेहले ङरावणे ढौरा चा सारा अधिकार कामा मां गेहता। ओणे धरती ते धरती उपर सारे रेहणे आला कनु ओ पेहले ङरावणे ढौरा ची उपासना करवाली हुती जाया खतरनाक जखम ठीक हुती चुकला हुता।

प्रकाशितवाक्य 13:14

ओ धरती चे बन्दा नु भरमाता गेला कांकि ओचे कनु पेहले ङरावणे ढौरा ची मौजुदगी मां चमत्कार ङिखाणने ची शक्‍ति हुती। ङुजे ङरावणे ढौरा ने धरती उपर रेहणे आला बन्दा कनु ओ पेहले ढौरा नु आदर ङेणे वास्ते जाये उपर तलवार लाग़ली हुती ओ जीता हुती गेलता, ओची मूर्ति बणावणे चे वास्ते केहले।

प्रकाशितवाक्य 14:11

ते वांचे दर्दा चा धूंआ हमेशा तक चवीता रिही, ते जको ओ ङरावणे ढौरा ची ते मूर्ति ची पूजा करी, ते जको ओचे नांवा ची मौहर लवावे, वानु रात-ङिओ चैन नी मिली।”

प्रकाशितवाक्य 14:9

बल्ति तीजा स्वर्ग़दूत बङी अवाजी लारे हा केहता हुला आला कि, “जको कुई ओ ङरावणे ढौरा ची ते मूर्ति ची पूजा करे, ते आपणे मत्थे जा आपणे हाथा उपर ओची मौहर ची छाप लवावी,

प्रकाशितवाक्य 16:2

ते पेहले स्वर्ग़दूता ने जती कर आपणा मुंगर धरती उपर रेड़ती ङिला। ते वा बन्दा चे जको जानु ओ ङरावणे ढौर ची मौहर लाग़ली हुती, ते जको मूर्ति ची पूजा करते, हेक तरह चे गन्दे ते खतरनाक छाल्‍ले निकड़ले।

प्रकाशितवाक्य 16:5

ते मैं पाणीया चे स्वर्ग़दूत नु हा केहते हुले सुणले कि, “ओ पवित्र, जको छै, ते जको हुता, तु न्यांयी छी तु हा न्यां करला।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 17:17

कांकि नरीकार वांचे मना मां हा नाखी, कि वे ओचे मकसद नु पूरा करो, ते जब-तक नरीकारा चे वचन पुरे ना हुती जई, तब तक हेक मन हुती कर आपणा-आपणा राज़ ओ ङरावणे ढौरा नु ङियो जती।

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।

प्रकाशितवाक्य 18:20

हे स्वर्ग़, ते हे पवित्र बन्दी, ते प्रेरित, ते भविष्यवक्‍ता, ओचे उपर आनन्द करा, कांकि नरीकारा ने न्यां करती कर तम्चा पलटा गेला।”

प्रकाशितवाक्य 18:24

ते नरीकारा चे भविष्यवक्‍ता चा ते ओचे पवित्र लौका चा, ते धरती उपर सारे घात करला आला चे लुहीं बाहले गेले, यांचा जिम्मेवार हाओ शहर ही छै।”

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।