प्रकाशितवाक्य 13:10 - ओङ राजपूत

¹⁰ जानु कैदखाने मां जाणे, ऊं कैदखाने मां जई, जको तलवारी लारे मारी, जरुरी छै कि ऊं वी तलवारी लारे मारले जई। पवित्र लौका चा सब्र ते विश्‍वास ऐचे मां छै।

प्रकाशितवाक्य 13:10 Iomraidhean Croise

मत्ती 26:52

बल्ति ईशु ने पतरस नु केहले, “आपणी तलवार मियानी मां नाख, कांकि जको तलवार चलावी, वे सारे तलवारी लारे नाश करले जाये।

मत्ती 7:2

कांकि जिंवे करती तम्ही दोष लावा, यूं करती तम्चे उपर वी दोष लाला जई, ते जिसी नाप लारे तम्ही ङुजा वास्ते नापा, वेही नाप लारे तम्चे वास्ते वी नापले जई।

लूका 21:19

आपणे सब्रा लारे तम्ही आपणी जीन्दगी नु बचाली राखा।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 11:18

ते नेरीया जातिया ने गुस्सा करला, ते दुधा प्रकोप आती पड़ला, ते ओ समय आती पुज़ला, कि मरला आला चा न्यां करला जाओ, ते दुधे दास भविष्यवक्‍ता ते पवित्र लौका नु ते वां छोटे बङा नु जको दुधे नांवा लारे ङरी, बदला ङिला जाओ। ते धरती चे बिगाड़ने आले नाश करले जाओ।”

प्रकाशितवाक्य 14:12

पवित्र लौका चा सब्र ऐचे मां छै, जको नरीकारा ची आज्ञा नु मने, ते ईशु उपर विश्‍वास राखी।

प्रकाशितवाक्य 16:6

कांकि यांणे पवित्र लौका चे, ते भविष्यवक्‍ता चे लुहीं बाहले हुते, ऐवास्ते तु वानु लुहीं पिलाले। कांकि वे ऐचे लायक छी।”

प्रकाशितवाक्य 17:11

ऊं ङरावणे ढौर जको पेहले कङी जीते हुते, पर हमा जीते कोनी, खौद्द ही आठवां राजा छै ते वा साता महु पैदा हुले, ते ओचा वी नाश हुवणे आला छै।

प्रकाशितवाक्य 17:8

जको ढौर तु ङेखले, ऊं पेहले तां हुते पर हमा कोनी, ते पताला महु निकलती कर विनाश मां ढी, ते धरती चे रेहणे आले जाई नांवे संसारा ची शुरुआत चे समय कनु जीवन ची किताबे मां लिखली कोनी गेली, ऐ ढौरा ची हा हालत ङेखती कर पेहले हुते ते हमा कोनी ते बल्ति आती जई, अचम्भा करे।

प्रकाशितवाक्य 2:19

मैं दुधे काम, दुधा प्रेम ते विश्‍वास ते सेवा ते सब्रा नु जाणे ते ईं वी कि दुधे भांसले काम पेहला कनु बधती कर छी।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।

प्रकाशितवाक्य 3:3

ऐवास्ते चैते कर कि तु किसड़ी शिक्षा गेहली ते सुणली हुती, ते विचे मां बणला रेह ते आपणे मन फिरा। अगर तु सुज़ाक नी रिहे तां मैं चोरा आलीकर आती जई, ते तु हरगिज नी जाण सग़े कि मैं केस घड़ी दुधे उपर आती पड़ी।