प्रकाशितवाक्य 12:9 - ओङ राजपूत

⁹ ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 12:9 Iomraidhean Croise

मत्ती 13:39

जिसे दुश्मना ने ओनु राहले ओ शैतान छै, फसल बाढणे ऐ जग़त चा अन्त छै, ते फसल बाढणे आले स्वर्ग़दूत छी।

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मत्ती 4:1

तब पवित्र आत्मा ईशु नु बरब्याना मां गेहती गेला कि शैतान ओची परीक्षा गिहो।

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

मत्ती 4:5

बल्ति शैतान ओनु पवित्र शहर यरुशलेम मां गेहती गेला ते मन्दरा चे कंगूरे उपर खड़े करले,

मत्ती 4:8

बल्ति शैतान ओनु हेक ब़ोहत बङे पहाड़ा उपर गेहती गेला ते सारे जग़त चे राज़ ते वांची शोहरत ङिखाणती कर,

लूका 10:18

ईशु ने वानु केहले, “मैं शैताना नु बिजली चे समान स्वर्ग़ा कनु तले ढेते ङेखे पलता।

लूका 13:16

का ठीक कोनी हुते कि हा असतरी जको अब्राहम चे वंशा ची छै, जानु शैताना ने अठारा साला कनु ब़ांहती राखले, सब्त चे ङिओ ये बिमारी कनु छुड़ाली गेली?”

लूका 22:3

तब शैतान यहूदा मां समाला, जको इस्करियोती किहवाता ते ब़ारहा चैला मां गिणला जता।

लूका 22:31

“शमौन, हे शमौन! ङेख, शैताना ने तनु मांगती गेले कि कणकी आलीकर छंडको।

लूका 8:12

मार्ग़ चे किनारे चे वे छी, जेह्णे सुणले, तब शैतान आती कर वांचे मना महु वचन चती चाह्‍ला जाये कि कहीं इसड़े ना हो कि वे विश्‍वास करती कर उद्धार गिहो।

यूहन्‍ना 12:31

हमा ऐ संसारा चे न्यां चा समय आती गेला, हमा शैतान नु जको संसारा चा सरदार छै ओनु काढ़ती ङिले जई।

यूहन्‍ना 14:30

“मैं हमा तम्चे लारे घणीया बाता नी करी, कांकि ऐ संसारा चा सरदार शैतान आवे पला। माये उपर ओचा कुई अधिकार कोनी,

यूहन्‍ना 16:11

न्यां चे बारे मां बावड़ी, कांकि संसारा चे सरदार शैताना नु दोषी ठहराले गेले।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 5:3

पर पतरस ने केहले, “हे हनन्याह, शैताना ने दुधे मना मां हा बात कां घाली कि तु पवित्र आत्मा नु कूड़ मार, ते भोंये ची कीमती महु कहीं मेहल जती?

रोमियां 16:18

कांकि इसड़े लौक अम्चे प्रभु मसीह ची ना, पर आपणे ढिड्डा ची सेवा करी, ते चिकनिया चुपड़ीया बाता लारे भोले-भाले मना आले लौका नु भटकाती नाखी।

रोमियां 16:20

शान्ति चा नरीकार शैताना नु तम्चे पग़्ग़ा तले जल्दी कुचलवाती ङी। अम्चे प्रभु ईशु मसीह चा अनुग्रह तम्चे उपर हुता रिहो।

2 कुरिन्थियां 11:14

ते हा कुई हैरानी ची बात कोनी कांकि शैतान आप ज्योतिमय दूत जिसड़ा रुप धारण करने ची कोशिस करे।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

2 कुरिन्थियां 12:7

ते ऐवास्ते कि मैं प्रकाशना ची वजह कनु घणा घमण्ड ना करे, माये शरीरा मां हेक कांटा चुभाला गेला यानिकि शैताना चा हेक दूत मनु घूसे मारो ताकि मैं घमण्ड ना करे।

2 कुरिन्थियां 2:11

कि शैताना चा अम्चे उपर दाह ना चलो। कांकि अम्ही ओची चाल कनु अणजाण कोनी।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

2 थिस्सलुनीकियां 2:3

कुई रीति लारे काये धोक्‍के मां ना आजा, कांकि ओ ङिओ नी आवी, जब तक धर्म चा त्याग ना हो ते ओ पापा चा मर्द यानि विनाश चा पूत प्रकट ना हो।

1 तीमुथियुस 2:14

ते आदम बहकाला कोनी गेला, पर असतरी बहकावे मां आती कर पापी हुली।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

इब्रानियां 2:14

ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये

1 यूहन्‍ना 5:19

अम्ही हा जाणु कि, अम्ही नरीकारा चे छिऊं, ते सारा संसार ओ शैताना चे बसा मां छै।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”

प्रकाशितवाक्य 12:12

येही वजह कनु, ओ स्वर्ग़, ते ओचे मां रेहणे आले खौश हुती जावा। पर हे धरती, ते समुन्दर, तम्चे उपर हाय! कांकि शैतान तम्चे गोढु बङे गुस्से लारे तले उतरती आला, कांकि ओ जाणे, कि ओचा थोड़ा ही समय नेरा बाकि छै।”

प्रकाशितवाक्य 12:3

ते हेक नेरा चैन्ह स्वर्ग़ा मां ङिसला, ते ङेखा, हेक बङा लाल अजगर हुता, जाया सात ठोङीया ते ङस सींगे हुती, ते ओचे ठोङा उपर सात राजमुङक हुते।

प्रकाशितवाक्य 12:7

बल्ति स्वर्ग़ा उपर लड़ाई हुली, खास मीकाईल ते ओचे स्वर्ग़दूत अजगर लारे लड़ाई करने चे वास्ते निकड़ले, अजगर ने वी ओचे दूता लारे योद्ध करला।

प्रकाशितवाक्य 12:8

पर ओ अजगर वांचे उपर भारी कोनी पड़ सग़ला, ते स्वर्ग़ा मां अजगर ते ओचे दूता वास्ते बल्ति जग़हा कोनी रेहली।

प्रकाशितवाक्य 13:14

ओ धरती चे बन्दा नु भरमाता गेला कांकि ओचे कनु पेहले ङरावणे ढौरा ची मौजुदगी मां चमत्कार ङिखाणने ची शक्‍ति हुती। ङुजे ङरावणे ढौरा ने धरती उपर रेहणे आला बन्दा कनु ओ पेहले ढौरा नु आदर ङेणे वास्ते जाये उपर तलवार लाग़ली हुती ओ जीता हुती गेलता, ओची मूर्ति बणावणे चे वास्ते केहले।

प्रकाशितवाक्य 16:14

ये चैन्ह ङिखाणने आलीया दुष्टात्मा छी, जको सारे संसार चे राजा चे गोढु निकलती कर ऐवास्ते जई, कि वानु सर्वशक्‍तिमान नरीकारा चे ओ बङे ङिओ चे योद्ध चे वास्ते भेले करो।

प्रकाशितवाक्य 18:2

ओणे ऊंची अवाजी लारे साङ मारती कर केहले, “ढेती गेला, बङा बेबीलोन शहर ढेती गेला, ओ दुष्टात्मा रेहणे ची जग़हा, ते हर-हेक अशुद्ध आत्मा चा अङा, ते हर-हेक अशुद्ध ते किज़ड़े पखींया चा अङा हुती गेला।

प्रकाशितवाक्य 18:23

ते ङीवे चे सोज़ले बल्ति कङी वी दुधे मां नी चमकी, ते बीन्द ते बीन्दणी ची अवाज बल्ति कङी वी दुधे मां नी सुणीजी। कांकि दुधे व्यपारी धरती चे प्रधान हुते, ते दुधे जादू-टूणे लारे सारीया जातिया भरमालीया गेलीया हुतीया।

प्रकाशितवाक्य 19:20

ते ऊं ङरावणे ढौर ते ओचे लारे ओ कूड़ा भविष्यवक्‍ता पकड़ीला गेला, जेह्णे ओचे सामणे इसड़े चैन्ह ङिखाणले हुते, जाये जरिये ओणे वानु भरमाले हुते, जाणे ओ ङरावणे ढौरा ची मौहर लवाली हुती, ते जको वे मूर्ति ची पूजा करते। ऊं ङरावणे ढौर ते कूड़े भविष्यवक्‍ता नु जीते-जी ओ जाखते ची झील मां जको गन्धक लारे ब़लती रिहे, नाखती ङिले गेले।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 2:24

“पर तम्हानु थुआतीरा चे बाकि लौका नु जितने ये शिक्षा नु ना मनी ते वां बाता नु जानु शैताना चीया गेहरीया बाता किही ना जाणी, ईं किहे पला कि मैं तम्चे उपर नेरा बोझ नी नाखी।

प्रकाशितवाक्य 2:9

मैं दुधे क्लेश ते लाचारी नु जाणे, पर तु अमीर छी, ते जको लौक आपणे आप नु यहूदी किही ते छी कोनी, पर शैताना ची सभा छी, ते वांची निन्दा नु वी जाणे।

प्रकाशितवाक्य 20:10

ऐचे बाद वांचा भरमाणे आला शैताना नु धधकते जाखते ची गन्धक ची झील मां भुकाले जई, जाये मां ऊं ङरावणे ढौर ते कूड़े भविष्यवक्‍ता वी हुवे, नाखती ङिले जई, सदा-मदा चे वास्ते वानु रात-ङिओ तड़फाले जई।

प्रकाशितवाक्य 20:8

ते ओ सारीया जातिया नु जको धरती चे चारो-तरफ रिही, जको गोग ते मागोग किहवावे, जाई गिणती समुन्दरा चे रेता आलीकर हुवी, याहनु भरमाती कर लड़ाई करने चे वास्ते भेले करी।

प्रकाशितवाक्य 3:9

ङेख, मैं शैतान चे वे सभाआला नु दुधे वशा मां करती ङी जको यहूदी बणले ब़ेहले, पर छी कोनी बल्कि कूड़ मारी। ङेख, मैं इसड़े करी कि वे आती कर दुधे पग़्ग़ा उपर ढिये, ते ईं जाणती गिहे कि मैं दुधे लारे प्रेम राखला।

प्रकाशितवाक्य 9:1

जिसे बेले पाँचवे स्वर्ग़दूता ने तुरही बजाली, तां मैं स्वर्ग़ा कनु धरती उपर हेक तारा ढेते ङेखला, ते ओनु पताल कोण्ड ची कुंजी ङिली गेली।

प्रकाशितवाक्य 9:20

बाकि बन्दा ने जको वां मरीया लारे कोनी मरले हुते आपणे हाथा चे कामा लारे मन कोनी फिराले कि दुष्टात्मा ची ते सोने ते चान्दी ते पित्तल ते पत्थर ते लाकड़ी चीया मूर्तिया ची पूजा ना करो जको ना ङेख ना सोण ना टोर सग़ी।