प्रकाशितवाक्य 12:7 - ओङ राजपूत

⁷ बल्ति स्वर्ग़ा उपर लड़ाई हुली, खास मीकाईल ते ओचे स्वर्ग़दूत अजगर लारे लड़ाई करने चे वास्ते निकड़ले, अजगर ने वी ओचे दूता लारे योद्ध करला।

प्रकाशितवाक्य 12:7 Iomraidhean Croise

मत्ती 13:41

मैं इन्साना चा पूत आपणे स्वर्ग़दूता नु भेज़ी, ते वे ओचे राज़ महु सारे पापीया नु, ते जको बन्दा कनु पाप करवावी वानु भेले करे।

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 24:31

ओ तुरही ची बङी अवाजी लारे आपणे स्वर्ग़दूता नु भेज़ी, ते वे आसमाना चे ऐ कूणे कनु ओ कूणे तक चारो दिशा कनु नरीकारा चे चुणले आले लौका नु भेले करी।

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मत्ती 26:53

का तु ना समझी कि मैं आपणे ब़ा कनु बिनती कर सग़े, ते ओ स्वर्ग़दूता चा ब़ारहा पलटन कनु ज्यादा माये गोढु हमा हाजिर करती ङिही?

2 कुरिन्थियां 12:7

ते ऐवास्ते कि मैं प्रकाशना ची वजह कनु घणा घमण्ड ना करे, माये शरीरा मां हेक कांटा चुभाला गेला यानिकि शैताना चा हेक दूत मनु घूसे मारो ताकि मैं घमण्ड ना करे।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

2 थिस्सलुनीकियां 1:7

ते तम्ही जको क्लेश पावा, अम्चे लारे सोख हो, ओ समय उपर जिसे बेले कि प्रभु ईशु आपणे सामर्थी दूता चे लारे, धधकते हुले जाखते महु स्वर्ग़ा कनु प्रकट हुवी।

इब्रानियां 2:10

कांकि जाये वास्ते सब कोच्छ छै, ते जाये जरिये सब कोच्छ छै, नरीकारा नु ईं आच्छे लाग़ले कि जिसे बेले ओ ब़ोहत सारे पूता नु महिमा मां पुचाओ, तां वांचे उद्धारकर्ता ईशु नु ङोख चवणे चे जरिये सेद्ध करो।

2 पतरस 2:4

कांकि नरीकारा ने वां स्वर्ग़दूता नु जेह्णे पाप करला नी छोड़ले, पर वानु पताल मां भेज़ती कर अन्धे कुण्डा मां नाखती ङिले कि न्यां चे ङिओ तक वे बन्द रिहो।

यहूदा 1:9

पर प्रधान स्वर्ग़दूत मीकाईल तक ने जब मूसा ची लाश चे बारे मां शैताना लारे वाद-विवाद करे पलता, तां ओनु बुरे-भले वी ना केहती कर दोष लावणे ची वी हिम्मत कोनी करली, सेर्फ इतने केहले, “प्रभु तनु फटकार ङियो।”

प्रकाशितवाक्य 12:8

पर ओ अजगर वांचे उपर भारी कोनी पड़ सग़ला, ते स्वर्ग़ा मां अजगर ते ओचे दूता वास्ते बल्ति जग़हा कोनी रेहली।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:7

ओनु हा वी अधिकार ङिला गेला कि पवित्र लौका लारे भिड़ो, ते वांचे कनु जीतती जाओ, ते ओनु हर हेक कोल्‍ल ते लौक ते भाषा ते जाति उपर अधिकार ङिला गेला।

प्रकाशितवाक्य 20:2

ते ओणे ओ अजगर नु, यानिकि पुराणे नाग़ा नु, जको इबलीस ते शैतान छै, पकड़ती कर हजार साला चे वास्ते संगला लारे ब़ांथी नाखले।