प्रकाशितवाक्य 12:3 - ओङ राजपूत

³ ते हेक नेरा चैन्ह स्वर्ग़ा मां ङिसला, ते ङेखा, हेक बङा लाल अजगर हुता, जाया सात ठोङीया ते ङस सींगे हुती, ते ओचे ठोङा उपर सात राजमुङक हुते।

प्रकाशितवाक्य 12:3 Iomraidhean Croise

प्रकाशितवाक्य 12:1

बल्ति स्वर्ग़ा मां ब़ोहत बङा चैन्ह ङिसला, यानिकि हेक असतरी जको सूरजा नु आपणे उपर ओढ़ली भिलती ली, ते चाँद विचे पग़्ग़ा तले हुता, ते विचे ठोङा उपर ब़ारहा तारा चा मुग़ट हुता।

प्रकाशितवाक्य 12:13

ते जिसे बेले अजगर ने ङेखले कि मैं धरती उपर नाखती ङिला गेला, ते वे असतरी नु जको पूत पैदा करला हुता, विचा पीछा करना शुरु करती ङिला।

प्रकाशितवाक्य 12:17

ते अजगर वे असतरी कनु गुस्से हुती गेला, ते विची बाकि ची ऊलाद्ध जको नरीकारा ची आज्ञा नु मनते, ते ईशु ची ग़वाही ङेणे चे वास्ते भिले ले, वांचे लारे योद्ध करु गेला।

प्रकाशितवाक्य 12:4

ते ओची पूंछे ने आसमाना चे तारा ची हेक तिहाई भाग़ ब़ुहारती कर धरती उपर नाखती ङिले। वां असतरी जको ब़ाला नु पैदा करने आली हुती, ओ अजगर आती कर विचे सामणे भिला रेहती गेला ताकि जिंवे वा ब़ाला नु पैदा करी, ओ वे ब़ाला नु निग़लती जाओ।

प्रकाशितवाक्य 12:7

बल्ति स्वर्ग़ा उपर लड़ाई हुली, खास मीकाईल ते ओचे स्वर्ग़दूत अजगर लारे लड़ाई करने चे वास्ते निकड़ले, अजगर ने वी ओचे दूता लारे योद्ध करला।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 13:1

ते मैं हेक ङरावणे ढौरा नु समुन्दरा महु निकलते हुले ङेखले, जाये ङसां सींगा उपर ङस मुग़ट हुते, ते सात ठोङीया हुतीया, ते ओचीया हर-हेक ठोङीया चे उपर नरीकारा ची निन्दा ची नांवे लिखली पलती।

प्रकाशितवाक्य 13:2

ते जको ङरावणे ढौर मैं ङेखले, ओ चीत्ते आलीकर हुता, ओचे पग़्ग़ रिछा चे पग़्ग़ा आलीकर हुते, ते मुँह शेरा आलीकर हुते। ते ओ अजगर ने आपणी शक्‍ति, ते आपणा सिंहासन, ते बङा अधिकार, ओनु ङिती ङिला।

प्रकाशितवाक्य 13:4

ते वाणे अजगर ची पूजा करली, कांकि ओणे ङरावणे ढौरा नु आपणा अधिकार ङिती ङिलता, ते ङरावणे ढौरा ची वी पूजा करली ते ईं वी केहले कि, “ऐ ढौरा आलीकर कूण छै? ते कूण ओचे लारे योद्ध कर सग़े?”

प्रकाशितवाक्य 15:1

बल्ति मैं स्वर्ग़ा मां बङा ते अचम्भे चा चैन्ह ङेखला, यानिकि सात स्वर्ग़दूत जाये कनु सात भांसलीया आफता हुतीया, कांकि वांचे हुती जाणे उपर नरीकारा चे गुस्से चा अन्त छै।

प्रकाशितवाक्य 16:13

ते बल्ति मैं ओ अजगर चे मुँहा कनु, ते ओ ङरावणे ढौरा चे मुँहा कनु ते ओचे कूड़े भविष्यवक्‍ता चा मुँहा कनु तीन दुष्टात्मा नु ङेङरा चे रूपा मां निकलते हुले ङेखले।

प्रकाशितवाक्य 17:12

“ते जको ङस सींगे तु ङेखली वे ङस राजा छी, जेह्णे हालि तक आपणा राज़ शुरु कोनी करला, पर ढौरा चे लारे घड़ी भर राज़ करने चे वास्ते वानु अधिकार ङिला जई।

प्रकाशितवाक्य 17:16

वे ङस सींगे जको तु ङेखली, ङरावणे ढौर वे वेश्या कनु बैर राखी, ते विनु लाचार ते ऊघाड़ी करती नाखी, ते विचा मांस खाती जई, ते विनु जाखते मां ब़ालती नाखी।

प्रकाशितवाक्य 17:7

ओ स्वर्ग़दूता ने मनु केहले, “तु कां हैरान हुला? मैं तनु ऐ असतरी चा ते ओ ङरावणे ढौरा चा जिसे उपर वा ब़ेहली ली, ते जाया सात ठोङीया ते ङस सींगे छी, तनु मैं भेद बावड़े।

प्रकाशितवाक्य 19:12

ओचीया आँखीया जाखते ची लपटी आलीकर हुतीया। ते ओचे ठोङा उपर घणे सारे मुग़ट हुते। ते ओचे हेक नां लिखले आले छै, ते ओनु छोड़ती कर नेरे कुई वी ना जाणी।

प्रकाशितवाक्य 20:2

ते ओणे ओ अजगर नु, यानिकि पुराणे नाग़ा नु, जको इबलीस ते शैतान छै, पकड़ती कर हजार साला चे वास्ते संगला लारे ब़ांथी नाखले।