प्रकाशितवाक्य 11:3 - ओङ राजपूत

³ ते मैं आपणे ङुंहु ग़वाहा नु हा अधिकार ङिही, कि वे ब़ोरी ची ओढ़णी घालती कर हेक हजार ङोन साऔ साठ ङिहां तक भविष्यवाणी करे।”

प्रकाशितवाक्य 11:3 Iomraidhean Croise

मत्ती 11:21

“हाय खुराजीन! हाय बैतसैदा! जको सामर्थ चे काम तम्चे मां करले गेले, अगर वे सूर ते सैदा मां करले जईया, तां उठले लौक टाट ओढ़ती कर, ते कैरी मां ब़ेसती कर वे कङकणे मन फिराती गिहा।

मत्ती 18:16

अगर ओ ना सुणे ते हेके जा ङोन जणा नु लारे गेहती जा कि ‘हर हेक बात ङोन जा तीन ग़वाह चे मुँहा कनु साबित हुती जाये।’

लूका 10:13

“हाय खुराजीन! हाय बैतसैदा! जको सामर्थ ची कामे तम्चे मां करली गेली, अगर वे सूर ते सैदा मां करले जईया, तां उठले लौक टाट ओढ़ती कर, ते कैरी मां ब़ेसती कर वे कङकणे मन फिराती गिहा

लूका 24:48

तम्ही यां सारीया बाता चे ग़वाह छिवा।

यूहन्‍ना 15:27

ते तम्ही माये ग़वाह छिवा, कांकि तम्ही शुरु कनु माये लारे रेहले।

यूहन्‍ना 3:27

यूहन्‍ना ने उत्तर ङिला, “जब तक बन्दे नु स्वर्ग़ा कनु ना ङिले जई, तब तक ओह कहीं ना गे सग़ी।

प्रेरितां चे काम 1:8

पर जिसे बेले पवित्र आत्मा तम्चे उपर आवी तब तम्हानु सामर्थ मिली ते यरुशलेम ते सारे यहूदिया ते सामरिया मां ते धरती चे सिरे तक माये ग़वाह हुवे।”

प्रेरितां चे काम 13:31

ते वे जको गलील कनु यरुशलेम तक ओचे लारे आले हुते ओ वानु घणा ङिहां तक ङिसता रेहला। ते लौका चे सामणे हमा वे ही ओचे ग़वाह छी।

प्रेरितां चे काम 2:32

“ऐह ईशु नु नरीकारा ने मरला आला महु जीते करले, जाये अम्ही सारे ग़वाह छिऊं।

प्रेरितां चे काम 3:15

ते तम्ही हेक जीवन ङेणे आले नु मारती नाखले, जानु नरीकारा ने मरले आला महु जिवाले, ते ये बाते चे अम्ही ग़वाह छियुं।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

2 कुरिन्थियां 13:1

हमा तीजी वारी मैं तम्चे कनु आवे पला। पवित्रशास्त्र मां ईं लिखले पले कि, “ङोन जा तीन ग़वाहा चे मुँहा कनु हर हेक बात ठहराली जई।”

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 11:2

पर मन्दरा चे ब़ाहर चा बेहड़ा छोड़ती ङे, ओनु ना नाप, कांकि ओ नेरीया जातिया नु ङिला गेला, ते वे पवित्र शहरा नु ब़ियालीस मेहना तक लताड़े।

प्रकाशितवाक्य 11:6

याहनु आसमाना नु बन्द करने चा अधिकार छै, कि वांची भविष्यवाणी चे ङिहां मां मिंही ना बरसो, ते वानु सारे पाणीया उपर अधिकार छै, कि ओनु लुहीं बणाओ, ते जब-जब चाहो धरती चे उपर हर-तरहा ची मुसीबत आणो।

प्रकाशितवाक्य 12:6

ते वा असतरी वे बरब्यान जग़हा मां नासती गेली, जिठे नरीकारा ची ओर कनु विचे वास्ते हेक जग़हा तियार करली गेलती ली, कि ओठे वा हेक हजार ङोन साऔ साठ ङिहां तक पाड़ली-पोसली जाओ।

प्रकाशितवाक्य 13:5

ते बङीया बाता करने चे वास्ते, ते निन्दा करने चे वास्ते, ङरावणे ढौरा नु हेक मुँह ङिले गेले, ते ब़ियालीस मेहना तक काम करने चा अधिकार ङिला गेला।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”

प्रकाशितवाक्य 20:4

बल्ति मैं कोच्छ सिंहासन ङेखले, ते वांचे उपर लौक ब़ेसती रेहले, ते वानु फैंसला करने चा अधिकार ङिला गेला। तां वा लौका चीया आत्मा वी मैं ङेखलीया, जाई ठोङे वी ईशु ची ग़वाही ङेणे ते नरीकारा चे वचना ची वजह बाढली गेलती, ते जाणे ना ही ओ ङरावणे ढौरा ची, ते ना ही ओ मूर्ति ची पूजा करली हुती, ते ना ही ओची मौहर आपणे मत्था उपर ते हाथा उपर लवाली हुती। वे जीते हुती कर मसीह चे लारे हजार साला तक राज़ करते रेहले।