प्रकाशितवाक्य 1:5 - ओङ राजपूत

⁵ ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 1:5 Iomraidhean Croise

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

यूहन्‍ना 13:1

फसह चे तेंहवार चे पेहले, ईशु नु पता लाग़ला कि ओची वा घड़ी आती गेली कि संसार छोड़ती कर नरीकारा ब़ा चे गोढु जाये। तां आपणे लौका लारे जको संसारा मां हुते, जिंवे प्रेम ओ राखता आखरी तक उसड़ा ही प्रेम करता रेहला।

यूहन्‍ना 13:34

मैं तम्हानु हेक नवीं आज्ञा ङिये पला कि हेके ङुजे लारे प्रेम करा। जिंवे मैं तम्चे लारे प्रेम करला, तम्ही वी हेके ङुजे लारे प्रेम राखा।

यूहन्‍ना 15:9

जिंवे ब़ा ने माये लारे प्रेम करला यूंही मैं तम्चे लारे प्रेम करला। माये प्रेम मां बणले रिहा।

यूहन्‍ना 18:37

पिलातुस ने ओनु केहले, “तां का तु राजा छी?” ईशु ने उत्तर ङिला, “तु किही कि मैं राजा छै। मैं ऐवास्ते जनम गेहला ते ऐवास्ते संसारा मां आला छै कि सच्‍चाई ची ग़वाही ङिये। जको कुई सच्‍चाई चे छै, ऊं माये शब्द सुणे।”

यूहन्‍ना 3:11

मैं तनु सच्‍च-सच्‍च किहे, कि जको अम्ही जाणु ऊंही किहुं, ते जानु अम्ही ङेखले ओची ग़वाही ङिऊं, ते तम्ही अम्ची ग़वाही ना मना।

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

यूहन्‍ना 3:32

जको कहीं ओणे ङेखले ते सुणले, ओची ग़वाही ङिये, ते कुई ओची ग़वाही ग्रहण ना करी।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 26:23

कि मसीह नु ङोख भोग़णे पड़ी, ते ओही सबकनु पेहले मरला आला महु जीता हुती कर, अम्चे लौका मां ते नेरीया जातिया मां ज्योति चा प्रचार करी।”

रोमियां 3:25

नरीकारा ने ईशु मसीह नु, ओचे मां विश्‍वास चे जरिये पापा कनु छुटाकारा ङिवाणे वास्ते लौका नु ङिला। ओणे ईं काम ईशु मसीह चे बलिदान चे रुप मां करले। इसड़े ईं पक्‍के करने वास्ते करले गेले कि नरीकार सहनशील छै। कांकि ओणे पेहले लौका नु वांचे पापा चा ङण्ड भुग़तणे बिना छोड़ती ङिले हुते।

रोमियां 8:37

पर यां सब बाता मां अम्ही ओचे जरिये जेह्णे अम्चे लारे प्रेम करला, विजेता कनु वी बढ़ती कर छै।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

गलातियां 2:20

मैं मसीह चे लारे क्रूसा उपर चढ़ाला गेला, हमा मैं जीता ना रेहला, पर मसीह माये मां जीता छै, मैं शरीरा मां जको हमा जीता छै, तां सेर्फ ओ विश्‍वास लारे जीता छै जको नरीकारा चे पूता उपर छै जेह्णे मनु प्रेम करला, ते आपणे आप नु माये वास्ते ङिती ङिले।

इफिसियां 2:4

पर नरीकारा ने जको दया करने आला छै, आपणे ओ बङे प्रेम ची वजह जाये कनु ओणे अम्चे लारे प्रेम करला,

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

1 तीमुथियुस 6:13

मैं तनु नरीकारा मां जको सारा नु जीवन ङिये, ते ईशु मसीह नु ग़वाह करती कर जेह्णे पुन्तियुस पिलातुस चे सामणे आच्छी ग़वाही ङिली, मैं वांची मौजुदगी मां तनु हा आज्ञा ङिये पला,

1 तीमुथियुस 6:15

जानु ओ ठीक समय उपर ङिखाणी, जको परमधन्य ते हेकमात्र अधिपति ते राजा चा राजा, ते प्रभुआं चा प्रभु छै।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

1 पतरस 1:19

पर बेकसूर ते बिना कलंक मैमणे यानिकि मसीह चे बेशकीमती लुहींया चे जरिये हुला।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

प्रकाशितवाक्य 11:15

ते जिसे बेले सातवें स्वर्ग़दूता ने तुरही बजाली, ते स्वर्ग़ा महु इसड़ी तेज अवाज आऊं लाग़ली कि, “हमा जग़त चा राज़ हमा अम्चे प्रभु चा छै, ते ओचे मसीह चा हुती गेला, ते हमेशा तक यानिकि युगानयुग तक राज़ करी।”

प्रकाशितवाक्य 11:3

ते मैं आपणे ङुंहु ग़वाहा नु हा अधिकार ङिही, कि वे ब़ोरी ची ओढ़णी घालती कर हेक हजार ङोन साऔ साठ ङिहां तक भविष्यवाणी करे।”

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 19:11

बल्ति मैं स्वर्ग़ा नु खुड़ले आले ङेखले, ते ङेखे कि हेक चिट्टा घोड़ा छै, ते ओचे उपर हेक सवार छै, जको विश्‍वास चे लायक, ते सच्‍च किहवावे, ते ओ धर्म चे लारे फैंसला ते योद्ध करे।

प्रकाशितवाक्य 19:16

ते ओचे ओढ़णा उपर ते ओची सतले उपर ईं नां लिखले आले छै कि, राजा चा राजा ते प्रभुआं चा प्रभु।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 3:14

“लौदीकिया ची कलीसिया चे दूता नु ईं लेख, “जको इसड़े ही हो ते विश्‍वास चे लायक ते सच्‍चा ग़वाह छै, ते नरीकारा ची सृष्टि ची मूल वजह छै, ओ ईं किहे पला कि,

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।