फिलिप्पियां 4:8 - ओङ राजपूत

⁸ हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

फिलिप्पियां 4:8 Iomraidhean Croise

मत्ती 22:16

तां वाणे आपणे चैला नु हेरोदियां चे लारे, ओचे गोढु ईं केहणे वास्ते भेज़ले, “हे गुरु, अम्ही जाणु कि तु सच्‍चा छी, ते नरीकारा चा मार्ग़ सच्‍चाई लारे सिखावी, ते काई परवाह ना करी, कांकि तु इन्साना चे मुँह ङेखती कर बाता ना करी।

मरकुस 6:20

कांकि हेरोदेस यूहन्‍ना नु धर्मी ते पवित्र मर्द जाणती कर ओकनु ङरता, ते ओनु बचाली राखता, ते ओचीया बाता सुणती कर ब़ोहत घब़राता, पर खुशी लारे सुणता।

लूका 16:15

ईशु ने वानु केहले, “तम्ही तां लौका चे सामणे आपणे आप नु धर्मी बणावा, पर नरीकार तां तम्चे मना नु जाणे, कांकि जको चीजा लौका चे नजरी मां महान छी, वे नरीकारा चे नजरी मां नफरत चा छी।

लूका 2:25

ते ङेखा, यरुशलेम मां शमौन नांवा चे हेक बन्दे हुते ते ऊं बन्दे धर्मी ते भग़त हुते, ते इस्राएल ची शान्ति ची बाट ङेखे पलते, ते पवित्र आत्मा ओचे उपर हुता।

लूका 23:50

ओठे यूसुफ नांवा चा महासभा चा हेक सदस्य हुता जको सज़्ज़ण ते धर्मी मर्द हुता।

यूहन्‍ना 7:18

जको आपणे तरफु कहीं किहे ओ आपणी ही बढ़ाई चाहवे, पर जको आपणे भेज़णे आले ची बढ़ाई चाहवे ओही सच्‍चा छै, ते ओचे मां कुई खोट कोनी।

प्रेरितां चे काम 10:22

वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

प्रेरितां चे काम 22:12

“तब हनन्याह नांवा चा व्यवस्था चे अनुसार हेक भग़त इन्सान, जको ओठे रेहणे आले सारे यहूदिया मां सरनाम हुता, माये गोढु आला।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 13:3

कांकि हाकिम आच्छे कामा चे कोनी, पर बुरे कामा वास्ते ङरा ची वजह छी, अगर तु हाकिमा कनु बेखौफ रेहणे चाहवी, ते आच्छे काम कर ते ओची ओर कनु दुधी प्रशंसा हुवी।

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 2:29

सच्‍चा यहूदी ओही छै, जको मना कनु यहूदी छै। ते सच्‍चा खतना ओही छै, जको आत्मा चे जरिये दिला चा हुवे, ना कि लिखली आली व्यवस्था चा। इसड़े ची बढ़ाई इन्साना चे तरफु कोनी पर नरीकारा ची ओर कनु करली जाये।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 कुरिन्थियां 13:7

ते अम्ही आपणे नरीकारा कनु हा प्राथना करु कि तम्ही कुई बुराई ना करा, ऐवास्ते ना कि अम्ही भले ङिसु, पर ऐवास्ते कि तम्ही भलाई करा, चाहे अम्ही भले ही निक्‍कमे ठहरु।

2 कुरिन्थियां 6:8

आदर ते निरादार लारे, दुर्नाम ते सुनाम लारे, अम्हानु भरमाणे आले समझले जाये, जबकि अम्ही सच्‍च ब़ोलु।

2 कुरिन्थियां 8:18

ते अम्ही ओचे लारे ओ भावां नु भेज़ले जाये ना सुसमाचार चे बारे मां सारीया कलीसिया मां सुनाम छै।

2 कुरिन्थियां 8:21

कांकि जको बाता सेर्फ प्रभु ची नजरी मां ना, पर इन्साना ची नजरी मां वी भलीया छी, अम्ही ओची फिक्र करु।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

इफिसियां 5:9

हर तरह ची निर्दोषीता भलाई ते सच्‍चाई मां सोज़ले चे फल छी।

इफिसियां 6:14

तां सच्‍चाई लारे आपणी कमर कसती कर, ते धार्मिकता ची झिलम घालती कर,

फिलिप्पियां 3:1

ऐवास्ते हे माये भऊ ते ब़ेहणीया, प्रभु मां आनन्द मनाते रिहा। वे ही बाता बार-बार लिखणे मां मनु तां कुई कष्ट ना हुवी, कांकि ऐचे लारे तम्चा बचाव छै।

कुलुस्सियां 4:5

मौके नु कीमती समझती कर ब़ाहर आला लारे समझदारी लारे बर्ताव करा।

1 थिस्सलुनीकियां 4:12

ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

1 तीमुथियुस 3:4

आपणे घरा ची आच्छी ङेखभाल करता हो, ते आपणे ब़ाला नु गहराई लारे आपणे बसा मां राखता हो। जाये कनु ओची ब़ाले ओची इज्जत करो।

1 तीमुथियुस 4:12

कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्‍वास, ते पवित्रता मां विश्‍वास करने आला चे वास्ते नमुना बणती जा।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

1 तीमुथियुस 5:2

ब़ुढ़ीया असतरीया नु आई जाणती कर ते जवान असतरीया नु पुरी पवित्रता लारे ब़ेहण जाणती कर समझाती ङे।

तीतुस 1:8

पर मेहमानी करने आला, भलाई नु चाहणे आला, संयमी, न्यांयी, पवित्र ते आपणे शरीरा चे अंगा नु बसा मां करने आला हो।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

तीतुस 2:2

यानि ब़ुढ़े मर्दा नु समझाती ङे, सचेत ते गम्भीर ते संयमी हो, ते वांचा विश्‍वास ते प्रेम ते सब्र पक्‍का हो।

तीतुस 2:7

सारीया बाता मां आपणे आप नु भले कामा चा नमुना बणा। दुधे उपदेशा मां सफाई, गम्भीरता,

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

इब्रानियां 11:2

कांकि ऐचे बारे मां पुरखा ची आच्छी ग़वाही ङिली गेली।

इब्रानियां 13:18

अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।

याकूब 1:27

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 4:8

सबकनु खास बात हा छै कि हेके ङुजे लारे ज्यादा प्रेम राखा कांकि प्रेम ब़ोहत पापा नु ढकती नाखे।

2 पतरस 3:1

हे माये प्यारे भऊ, हमा मैं तम्हानु हा ङुजी चिठ्ठी लिखे पला, ते ङुंहु मां चैता ङिवाती कर तम्चे शोद्ध मना नु उभारे पला।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।