फिलिप्पियां 2:7 - ओङ राजपूत

⁷ बल्कि ओणे तां आपणे सब कोच्छ त्याग़ती कर। ते हेक सेवक चा रुप धारण करती गेला, ते इन्सान हुती गेला।

फिलिप्पियां 2:7 Iomraidhean Croise

मत्ती 12:18

“ङेखा, हा माया सेवक छै, जानु मैं चुणले। हा माया प्यारा छै, जाये कनु माये मन खौश छै। मैं आपणी आत्मा ओचे मां नाखी, ते ओ सारीया जातिया नु, न्यां चा समाचार ङी।

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

मरकुस 9:12

ओणे वानु उत्तर ङिला, “एलिय्याह सच्‍चमां पेहले आती कर सब कोच्छ सुधारी, पर मैं इन्सान चे पूता चे बारे मां ईं कां लिखले पले कि ओ ब़ोहत ङोख चवी, ते तोच्छ गिणला जई।

लूका 22:27

कांकि बङे कूण छै, ओ जको खाणे खाये ब़ेहला, जा ओ जको सेवा करे? का ओ कोनी जको खाणे खाये ब़ेहला? पर मैं तम्चे बीच मां सेवक चे समान छै।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

रोमियां 1:3

आपणे पूता अम्चे प्रभु ईशु मसीह चे बारे मां प्रतिज्ञा करली हुती, ओ शरीरा चे तौरा पे तां दाऊद चे वंश महु पैदा हुला,

रोमियां 15:3

कांकि मसीह ने आपणे आप नु खौश कोनी करले, जिंवे पवित्रशास्त्रा मां लिखले पले, “दुधी निन्दा करने आला ची निन्दा माये उपर आती पली।”

रोमियां 15:8

मैं किहे कि, जको वायदा नरीकारा ने पुरखा लारे करला गेला हुता, ओनु मजबूत करने वास्ते ते नरीकारा ची सच्‍चाई चा सबूत ङेणे वास्ते, मसीह खतना करले आले लौका चा सेवक बणला,

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

2 कुरिन्थियां 13:4

ओ निर्बलता ची वजह क्रूसा उपर चढ़ाला तां गेला, तांवी नरीकारा ची सामर्थ लारे जीता छै। अम्ही वी ओचे मां कमजोर छिऊं, पर नरीकारा ची सामर्थ लारे जको तम्चे वास्ते छै, ओचे लारे जिऊं।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

फिलिप्पियां 2:6

जेह्णे नरीकार चे स्वरूप मां हुती कर वी नरीकारा ची बराबरी हुवणे वास्ते आपणे वशा मां राखणे ची चीज कोनी समझली

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 13:3

कैदीया ची इसड़ी सुधि गिहा मनती गिहा वांचे लारे तम्ही वी कैद मां छिवा, सताले जाणे आला नू भूलजा कांकि तम्ही सारे हेक शरीरा चे अंग छिवा।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।