18 यूंही तम्ही वी खौश रिहा ते माये लारे आनन्द करा।
मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै।
अगर मनु तम्चे विश्वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।
मनु प्रभु ईशु मसीह मां आस छै कि मैं तीमुथियुस नु तम्चे गोढु भेज़ी, ताकि तम्ची हालत सुणती कर मनु शान्ति मिलो।
ऐवास्ते हे माये भऊ ते ब़ेहणीया, प्रभु मां आनन्द मनाते रिहा। वे ही बाता बार-बार लिखणे मां मनु तां कुई कष्ट ना हुवी, कांकि ऐचे लारे तम्चा बचाव छै।
मैं किहे पला प्रभु मां सदा खौश रिहा, ते मैं दुबारा किहे पला कि प्रभु मां खौश रिहा।
