फिलिप्पियां 2:17 - ओङ राजपूत

¹⁷ अगर मनु तम्चे विश्‍वास रूपी बलिदान ते सेवा चे लारे आपणे लुहीं वी बाहणे पड़ो, तां वी मैं खौश छै, ते तम्चे सारा लारे मैं खुशी मनावी।

फिलिप्पियां 2:17 Iomraidhean Croise

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

प्रेरितां चे काम 21:13

पर पौलुस ने उत्तर ङिला, “तम्ही ईं का करा पले, यूं रोती-रोती कर माये देल तरोड़ा पले? मैं तां यरुशलेम मां ना हेको ब़झणे चे वास्ते बल्कि, प्रभु ईशु चे नांवा वास्ते मरणे वास्ते वी तियार छै।”

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 15:16

कि मैं नेरीया जातिया वास्ते मसीह ईशु चा सेवक हुती कर नरीकारा चे सुसमाचार ची सेवा हेक याजक चे समान करे, जाये कनु नेरीया जातिया चे मनती गिहा कि भेंट चढ़ाले जाणे, पवित्र आत्मा लारे पवित्र बणती कर ग्रहण करला जाये।

2 कुरिन्थियां 12:15

मैं तम्चे वास्ते घणी खुशी लारे खर्च करी बल्कि आपणे आप नु वी ङिती ङी। का जितना बधती कर मैं तम्चे लारे प्रेम राखे, ओचे कनु घटातीकर तम्ही माये लारे प्रेम राखा?

2 कुरिन्थियां 4:12

ऐ वजह कनु मौत तां अम्चे उपर असर नाखे, पर जीवन तम्चे उपर।

2 कुरिन्थियां 6:10

ङुखीया आलीकर छिऊं, पर सदा खौश रिहुं, कंगाला आलीकर छिऊं, पर घणा सारा नु धनवान बणाती ङिऊं। इसड़े छिऊं जिंवे अम्चे कनु कोच्छ वी कोनी बल्ति वी सब कोच्छ राखु।

2 कुरिन्थियां 7:4

मैं तम्हानु बङी हिम्मती लारे ब़ोले पला। मनु तम्चे उपर बङा गर्व छै। मैं शान्ति लारे भरीती गेला, ते आपणे सारे क्लेश मां वी मैं खुशी लारे भरपूर रिहे।

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

फिलिप्पियां 2:18

यूंही तम्ही वी खौश रिहा ते माये लारे आनन्द करा।

फिलिप्पियां 2:30

कांकि ओ मसीह चे कामा वास्ते आपणे जेन्द ङुखी करती मौत चे गोढु आती गेलता ताकि जको कमी तम्चे तरफु माई सेवा मां हुली वा पुरी करो।

फिलिप्पियां 4:18

माये कनु ब़ोहत कोच्छ छै, इपफ्रुदीतुस चे हाथु जको दान तम्ही भेज़ला हुता ओनु मैं गेहती कर ब़ोहत खौश छै, ओ दान जको दिला आली महक ओर मनणे लायक बलिदान छै जाकनु नरीकार खौश हुती जाये।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

1 थिस्सलुनीकियां 2:8

ते यूंही अम्ही तम्ची लालसा करते हुले, ना कि नरीकारा चा सुसमाचार, पर आपणी-आपणी जान वी ङेणे नु तियार हुते, ऐवास्ते कि तम्ही अम्चे प्यारे हुती गेलते।

2 तीमुथियुस 4:6

कांकि हमा मैं पूरा जीवन अर्घ ची तरह बलिदान करती ङिला, ते माये जीवन चा आखरी समय आती पुज़ला।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 यूहन्‍ना 3:16

अम्ही प्रेम ऐचे कनु जाणला, कि ईशु मसीह ने अम्चे वास्ते आपणे प्राण ङिती ङिले, ते अम्हानु वी आपणे भावां ते ब़ेहणीया चे वास्ते प्राण ङेणे चाही छै।