फिलिप्पियां 1:30 - ओङ राजपूत

³⁰ ते तम्ही इसड़ी मेहनत करा जिंवे तम्ही मनु करते ङेखले, ते हमा वी सुणा कि मैं उसड़े ही करे।

फिलिप्पियां 1:30 Iomraidhean Croise

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

फिलिप्पियां 1:13

इठे तक कि कैसर राज़ ची पलटन ते बाकि सारे लौका मां ईं उजागर हुती गेले कि मैं मसीह वास्ते कैद छै,

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

कुलुस्सियां 2:1

मैं चाहवे कि तम्ही जाणती गिहा, कि तम्चे ते वा जको लौदीकिया मां छै, ते वा सारा वास्ते, जेह्णे माये शरीरिक मुँह वी कोनी ङेखले कि मैं किसड़ी मेहनत करे।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 12:4

पाप चे खिलाप आपणे संघर्ष मां तम्ही हमा तक वे हद्दी तक प्रतिरोध कोनी करला कि तम्हानु लुहीं बाहवणे पड़ो।

प्रकाशितवाक्य 12:11

ते वे मैमणे चे लुहींया ची वजह कनु, ते आपणी ग़वाही चे वचन ची वजह कनु, ओचे कनु जीतती गेले, ते वाणे आपणे प्राण नु प्यारे कोनी जाणले, इठे तक कि मौत नु वी सहन करती गेले।