फिलिप्पियां 1:13 - ओङ राजपूत

¹³ इठे तक कि कैसर राज़ ची पलटन ते बाकि सारे लौका मां ईं उजागर हुती गेले कि मैं मसीह वास्ते कैद छै,

फिलिप्पियां 1:13 Iomraidhean Croise

प्रेरितां चे काम 26:29

बल्ति पौलुस ने केहले कि, “नरीकारा कनु माई हा प्राथना छै कि का थोड़े मां, का घणे मां, सेर्फ तु ही कोनी, पर जितने लौक आज़ माई बाते नु सुणी पली, सिवाय यां हथकड़ीया नु छोड़ती कर, वे माई आलीकर हुती जाओ।”

प्रेरितां चे काम 26:31

ते अलग़ जती कर आपस मां किहुं लाग़ती गेली कि, “ऐ बन्दे तां इसड़ा कुई गुनाह कोनी करला, जको ऐनू मौत चा ङण्ड जा ते बल्ति कैदखाने मां नाखणे ची सजा मिलो।”

प्रेरितां चे काम 28:17

तीन ङिहां चे बाद पौलुस ने यहूदी प्रधाना ची हेक सभा हकरवाली, जिसे बेले वे भेले हुले तां वानु केहले कि, “हे माये भऊ, मैं आपणे लौका चे विरोध मां, जा पुरखा कनु चढ़ली आवे रीति रिवाज चे विरोध मां कोच्छ वी कोनी करले, फेर वी मैं कैदी बणाती कर यरुशलेम कनु रोमियां चे हाथा मां सोंपला गेला।

प्रेरितां चे काम 28:20

ऐवास्ते मैं तम्हानु हकरवाले, कि तम्चे लारे मिले, ते बातचीत करे, कांकि इस्राएल ची आस चे वास्ते मैं यां संगला लारे जकड़ला पला।”

प्रेरितां चे काम 28:30

ते पौलुस ओठे ङुंहु साला तक किराये चे घरा मां रेहला ते जको लौक ओचे गोढु आते, वां सारा लारे बङे प्यारा लारे मिलता रेहला।

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 6:20

मैं नरीकारा चा सुसमाचार सुणावणे वास्ते संगला लारे ब़झला आला राजदूत छै। प्राथना करा कि जिंवे ओ चाहवे, यूं हिम्मत लारे सुणा सग़े।

फिलिप्पियां 1:30

ते तम्ही इसड़ी मेहनत करा जिंवे तम्ही मनु करते ङेखले, ते हमा वी सुणा कि मैं उसड़े ही करे।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

फिलिप्पियां 4:22

नरीकारा चे सब पवित्र लौक, खास करती कर जको कैसर राजे चे घराणे चे छी, तम्हानु नमस्कार किही पले।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।