लूका 17:2 - ओङ राजपूत

² जको कुई यां छोटा महु कानु ठोकर खुलाओ, ओचे वास्ते ईं भले हुवीया कि घर्टी चा पोड़ ओचे गले मां लटकाला जईया, ते ओ समुन्दरा मां नाखती ङिला जईया।

लूका 17:2 Iomraidhean Croise

मत्ती 17:27

तांवी ऐवास्ते कि अम्ही वानु ठोकर खुलाऊं तु झील चे किनारे जती कर कांटा नाख ते जको माछली पेहले निकले, विनु चा, विचे मुँह खोलणे उपर तनु हेक सिक्‍का मिली, ओनु चती कर माये ते आपणे बदले वानु ङिती ङियो।”

मत्ती 18:10

“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

मत्ती 18:14

इसड़े ही जको तम्चा ब़ा स्वर्ग़ा मां छै, ओची हा इच्छा कोनी कि जा छोटा महु हेक वी खत्तम हो।

मत्ती 26:24

मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

मरकुस 9:42

“जको कुई यां छोटा महु जको माये उपर विश्‍वास करी, कानु ठोकर खुलाओ तां ओचे वास्ते ईं भले छै कि हेक बङी घर्टी चा पोड़ ओचे गले मां लटकाला जईया ते ओ समुन्दरा मां नाखती ङिला जईया।

यूहन्‍ना 21:15

खाणा खाणे बाद, ईशु ने शमौन पतरस नु केहले, “हे शमौन यूहन्‍ना चा पूत, का तु यांचे कनु बधती कर माये लारे प्रेम राखी?” ओणे ओनु केहले, “हव्वे प्रभु, तु तां जाणी कि मैं दुधे लारे प्रीत राखे।” ईशु ने ओनु केहले, “माये मेमणा नु चर्रा।”

1 कुरिन्थियां 9:15

पर मैं यांचे महु कुई वी अधिकारा चा इस्तेमाल कोनी करला। मैं ये बाता ऐवास्ते कोनी लिखलीया, कि माये वास्ते कहीं करले जाओ। कांकि ऐचे कनु तां माये मरणे ही भले छै कि कुई माया घमण्ड बेकार ठहराओ।

1 कुरिन्थियां 9:22

मैं वां लौका वास्ते जको विश्‍वासा मां कमजोर छी खौद्द वांचे आलीकर कमजोर बणला कि वानु मसीह मां जीत सग़े। मैं सब तरह चे इन्साना वास्ते सब कोच्छ बणला कि किवें ना किवें करती कईयां चा उद्धार करवा सग़े।