यूहन्‍ना 3:2 - ओङ राजपूत

² ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 3:2 Iomraidhean Croise

मत्ती 22:16

तां वाणे आपणे चैला नु हेरोदियां चे लारे, ओचे गोढु ईं केहणे वास्ते भेज़ले, “हे गुरु, अम्ही जाणु कि तु सच्‍चा छी, ते नरीकारा चा मार्ग़ सच्‍चाई लारे सिखावी, ते काई परवाह ना करी, कांकि तु इन्साना चे मुँह ङेखती कर बाता ना करी।

मत्ती 23:7

बजारा मां नमस्कार, ते इन्साना मां ‘रब्बी’ किहवाणे वानु भावे।

मत्ती 23:8

पर तम्ही ‘रब्बी,’ ना किहवाजा, कांकि तम्चा हेक ही गुरु छै, ते तम्ही सारे भऊ छिवा।

मरकुस 12:14

वाणे आतीकर ओनु केहले, “हे गुरु, अम्ही जाणु कि तु सच्‍चा छी, ते काई परवाह ना करी, कांकि तु इन्साना चे मुँह ङेखती कर बाता ना करी, पर नरीकारा चा मार्ग़ सच्‍चाई लारे बावड़ी। तां का कैसर नु कर् ङेणा वाजिब छै, जा कोनी?

यूहन्‍ना 1:38

ईशु ने मुड़ती कर वानु भांसु आते ङेखले ते वानु केहले, “तम्ही कानु सोते फिरा?” वाणे ओनु केहले, “हे रब्बी,” (मतलब हे गुरु), “तु किठे रिही वी?”

यूहन्‍ना 10:38

पर अगर मैं करे, तां चाहे माया विश्‍वास ना वी करा, पर वा कामा चा तां विश्‍वास करा, ताकि जाणा ते समझा कि ब़ा माये मां छै, ते मैं ब़ा मां छै।”

यूहन्‍ना 12:37

ओणे वांचे सामणे इतने चैन्ह ङिखाणले, तां वी वाणे ओचे उपर विश्‍वास कोनी करला।

यूहन्‍ना 14:10

का तु विश्‍वास ना करी कि मैं ब़ा छै, ते ब़ा माये मां छै? ये बाता जको मैं तनु किहे आपणे तरफु कोनी किहे पला। पर ब़ा माये मां रेहती कर आपणे काम करे।

यूहन्‍ना 15:24

अगर मैं वांचे मां ऊं काम ना करियो जको मैं करले तां वे पापा चे भाग़ी ना हुवीया। पर हमा वाणे ङेखती गेले जको मैं करले। तां वी वे माये लारे ते माये ब़ा लारे बैर करी।

यूहन्‍ना 2:11

ईशु ने जको अचम्भे चे काम गलील चे काना शहरा मां करले ईशु ने आपणा हा पेहला चैन्ह ङिखाणती कर आपणी महिमा प्रकट करली ते ओचे चैला ने ईशु उपर विश्‍वास करला।

यूहन्‍ना 20:16

ईशु ने विनु केहले, “मरियम।” विणे ईशु सनु मुड़ती कर इब्रानी भाषा मां केहले, “रब्बूनी,” जाया मतलब “गुरु।”

यूहन्‍ना 3:26

ते वाणे यूहन्‍ना चे गोढु आती कर केहले, “हे रब्बी, जको शक्स यरदन नदी चे पार दुधे लारे हुता ते जाई तु ग़वाही ङिली, ङेख, ओह बपतिस्मा ङिये, ते सारी बन्दी ओचे गोढु आवी।”

यूहन्‍ना 4:31

ऐचे बीच ओचे चैला ने ईशु कनु हा बिनती करली, “हे गुरु, कोच्छ खाती गे।”

यूहन्‍ना 5:36

माया कनु हेक नेरा ग़वाह छै, जाई ग़वाही यूहन्‍ना ची ग़वाही कनु बङी छै। कांकि जको काम ब़ा ने मनु पुरे करने वास्ते सोंपले ईं काम जको मैं करे वे माये ग़वाह छी कि मनु ब़ा ने भेज़ले।

यूहन्‍ना 6:2

हेक बङी भीड़ ओचे भांसु टुरती पली कांकि जको अचम्भे चे कामा चे चैन्ह ईशु करता बिमारा नु ठीक करने चे वास्ते भीड़ वानु ङेखती।

यूहन्‍ना 7:31

बल्ति वी भीड़ महु घणे सारा ने ओचे उपर विश्‍वास करला। ते बन्दी किहुं लाग़ले, “मसीह जिसे बेले आवी, का ऐकनु ज्यादा अचम्भे चे चैन्ह ङिखाणी जको ऐणे ङिखाणले?”

यूहन्‍ना 9:16

हा ङेखती कर नेरे फरीसी किहुं लाग़ले, “ऊं बन्दे नरीकारा ची तरफा कनु कोनी, कांकि ओह सब्त चा ङिओ ना मनी।” ङुजा ने केहले, “पापी बन्दे इसड़े चैन्ह किवें ङिखाण सग़े?” वांचे मां फूट पड़ली गेली।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

प्रेरितां चे काम 2:22

“हे इस्राएली लौक, यां वचना नु सुणा, ईशु नासरी हेक इसड़े बन्दे हुता, जाये नरीकारा ची ओर कनु हुवणे चा सबूत वा सामर्थ ची कामे ते अचम्भे ची कामे ते नेरे चैन्ह लारे प्रकट छै, जको नरीकारा ने तम्चे बीच ओचे जरिये करती ङिखाणले जानु तम्ही आप ही जाणा।

फिलिप्पियां 1:14

ते प्रभु मां जको भऊ छी वांचे महु अधिकतर माये कैद हुवणे ची वजह कनु हिम्मत ब़ांहती कर नरीकारा चा वचन बेधड़क हुती कर होर वी होंसला करी ते सुणावी।