ईशु ने वानु केहले, “सोज़ले हमा थोड़ी देर तक तम्चे बीच मां छै। जब तक सोज़ले तम्चे लारे छै तब तक टुरते रिहा, इसड़ा ना हो कि अन्धारे तम्हानु आती घेरे। जको अन्धकार मां चले ऊं ना जाणी कि किंघे जाये पले।
ओ जीवन चे वचन चे बारे मां जको आदि कनु हुता जानु अम्ही सुणले, ते जानु अम्ही आपणी आंखी लारे ङेखले, बल्कि जानु अम्ही ध्यानारीत रीत ङेखले ते ओनु हाथा लारे छूले।
ओ जीवना चा ज्ञान अम्हानु ङिला गेला, ते अम्ही ओनु ङेखले, ते ओची ग़वाही ङिऊं पले, ते तम्हानु अनन्त जीवन ङेणे आले ची घोषणा करु पले जको ब़ा नरीकार चे लारे हुता अम्चे उपर प्रकट हुला।
बल्ति ओ स्वर्ग़दूता ने मनु बिल्लौर जिसड़ी शीशे आलीकर झलकती हुली, जीवन चे पाणीया ची नदी ङिखाणली। जको नरीकार ते मैमणे चे सिंहासन कनु निकलती कर ओ शहरा ची सड़के चे आधी मां बेहती।
“मैं, खौद्द ईशु, दुधे ते कलीसिया चे वास्ते, यां बाता ची ग़वाही ङेणे चे वास्ते, मैं आपणा स्वर्ग़दूत भेज़े पला। मैं दाऊद चे परिवारा चा वंश छै। ते सवेले चा चमकणे आला तारा छै।”
