याकूब 3:1 - ओङ राजपूत

¹ हे माये भऊ, तम्चे महु घणे सारे गुरु ना बणो, कांकि तम्ही आप जाणा, कि अम्ही जको गुरु छिऊं अम्हा कनु होर वी सख्ताई लारे लेखा गेहला जई।

याकूब 3:1 Iomraidhean Croise

मत्ती 10:24

“चैला आपणे गुरु कनु बङा ना हुवी, ते ना दास आपणे मालिक कनु।

मत्ती 23:13

“हे कप्पटी शास्त्री ते फरीसी, तम्चे उपर हाय! तम्ही इन्साना वास्ते स्वर्ग़ चे राज़ चे दरवाजे बन्द करती नाखा, ना तां आप ही ओचे मां जावा, ते ना ओचे मां जाणे आला नु जऊं ङिया।

मत्ती 23:14

हे कप्पटी शास्त्री ते फरीसी, तम्चे उपर हाय! तम्ही बांढीया चे घर खाती जावा,ते ङिखाणने वास्ते बङी देर तक प्राथना करते रिहा, ऐवास्ते तम्हानु ज्यादा ङण्ड मिली।

मत्ती 9:11

ईं ङेखती कर फरीसिया ने ओचे चैला नु केहले, “तम्चा गुरु चुंगी गेहणे आला लारे ते पापीया लारे कां खाये?”

लूका 16:2

शाहुकारा ने मुनीम नु हकारती कर केहले, ‘ईं का छै जको मैं दुधे बारे मां सुणे पला? आपणे मुनीमगिरी चा लेखा ङे, कांकि तु उग़ते कनु मुनीम ना रेह सग़ी।’

लूका 6:37

“दोष ना लावा, तां तम्चे उपर वी दोष नी लाला जई। दोषी ना ठहरावा, तां तम्ही वी दोषी नी ठहराले जावा। माफ करा, तां तम्हानु वी माफी मिलती जई।

यूहन्‍ना 3:10

ईं सुणती कर ईशु ने ओनु केहले, “तु इस्राएलीया चा गुरु हुती कर, यां बाता नु कां ना समझी?

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

इफिसियां 4:11

ओणे कईयां नु प्रेरित, ते कईयां नु भविष्यवक्‍ता, ते कईयां नु सुसमाचार प्रचारक, ते कईयां नु रखवाले, ते कईयां नु विश्‍वास करने आला चे उपदेशक हुवणे चा वरदान ङिला।

1 तीमुथियुस 1:7

व्यवस्था चे गुरु ते हुवणे चाहवी, पर जको बाता किही ते जानु बङी हिम्मती लारे ब़ोली, वानु समझी तक वी ना।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

याकूब 1:16

हे माये प्यारे भऊ धोक्‍का ना खावा।

याकूब 1:19

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो,

याकूब 3:10

हेक ही मुँहा लारे आशीर्वाद ते श्राप ङोनी निकली।

1 पतरस 5:3

जको लौक तम्हानु सोंपले गेले वांचे उपर अधिकार ना जतावा बल्कि वांचे वास्ते नमुना बणा।