गलातियां 5:3 - ओङ राजपूत

³ फेर वी मैं हर खतना कराणे आले नु चितावनी ङिये कि ओनु सारे मूसा चे व्यवस्था मनणे पड़े।

गलातियां 5:3 Iomraidhean Croise

मत्ती 23:16

“हे अन्धे अग़ुवे, तम्चे उपर हाय! जको किहा कि ‘अगर कुई मन्दरा ची कसम खाये तां कोच्छ कोनी, पर अगर कुई मन्दरा चे सोने ची कसम खाये तां ओचे लारे ब़झती जाये।’

मत्ती 23:18

बल्ति किहा कि ‘अगर कुई वेदी ची कसम खाये तां कोच्छ कोनी, पर जको भेंट ओचे उपर छै, अगर कुई विची कसम खाये तां ऊं आपणी कसमी मां ब़झती जाये।’

लूका 16:28

कांकि माये पाँच भऊ छी, ओ वांचे सामणे यां बाता ची ग़वाही ङियो, इसड़े ना हो कि वे वी ङुखा ची जग़ह मां आओ।’

प्रेरितां चे काम 15:1

बल्ति कई लौक यहूदिया प्रदेस कनु अन्ताकिया शहर मां आती कर भावां नु हा सिखाऊं लाग़ले, “मूसा ची रीति चे अनुसार अगर तम्चा खतना कोनी हुला तां तम्चा उद्धार ना हो सग़ी।”

प्रेरितां चे काम 2:40

पतरस ने घणीया सारीया नेरीया बाता लारे वी ग़वाही ङिती-ङिती कर समझाले कि, “आपणे आप नु ऐ अधर्मी पीढ़ी कनु बचाली राखा।”

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

रोमियां 2:25

अगर तम्ही व्यवस्था उपर चला, तां खतने लारे फायदा छै, पर अगर तम्ही व्यवस्था नु ना मना, तां तम्चा खतना, बिना खतने ची दशा ठहरला।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 5:2

सुणा मैं पौलुस तम्हानु किहे कि अगर तम्ही विश्‍वास करने चे बाद खतना करवावा ते तम्हानु मसीह कनु कुई फायदा नी हुवी।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

1 थिस्सलुनीकियां 4:6

कि ये बाते मां कुई आपणे भावां नु ना ठग़्ग़ो, ते ना ओचे उपर कुई दाह चलाओ, कांकि प्रभु यां सारीया बाता चा बदला गेहणे आला छै, जिसड़े कि अम्ही पेहले ही तम्हानु केहले ते चिताले वी हुते।

1 यूहन्‍ना 4:14

ते अम्ही ङेखती वी गेले ते ग़वाही वी ङियु, कि ब़ा नरीकारा ने आपणे पूता नु संसारा चा उद्धारकर्ता चे रूपा मां भेज़ले।