गलातियां 1:8 - ओङ राजपूत

⁸ अगर अम्चे महु जा स्वर्ग़ा महु कुई दूत उतरती, ते ऐ सुसमाचार कनु अलावा जको अम्ही तम्हानु सुणाला, कुई नेरा सुसमाचार तम्हानु सुणावे, तां श्रापित हो।

गलातियां 1:8 Iomraidhean Croise

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

मरकुस 14:71

तब ओ कोसणे ते कसम खऊं लाग़ला, “मैं ओ इन्साना नु, जाई तम्ही चर्चा करा पले,ना जाणी।”

प्रेरितां चे काम 23:14

वाणे प्रधान याजका कनु ते बङका कनु जती कर केहले कि, “अम्ही हा ठानती गेले कि जब तक अम्ही पौलुस नु मारती ना नाखु ओ बेले तक अम्ही कहीं वी नी खऊं-पिऊं।

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

रोमियां 9:3

कांकि माई हा मनसा हुती कि, आपणे यहूदी भावां वास्ते ते आपणे देशा चे लौका वास्ते आप श्रापित हुती मसीह कनु अंज हुती जईया।

1 कुरिन्थियां 12:3

ऐवास्ते मैं तम्हानु चिताती ङिये कि जको कुई नरीकारा ची आत्मा ची अगुवाई लारे ब़ोले ऊं ना किही कि, “ईशु श्रापित छै,” ते ना कुई पवित्र आत्मा चे बिना केह सग़े कि, “ईशु प्रभु छै।”

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

गलातियां 1:9

जको मैं पेहले केहती ङिले यूंही मैं हमा बल्ति किहे पला, ओ सुसमाचार नु छोड़ती जानु तम्ही ग्रहण करला, अगर कुई नेरा सुसमाचार सुणावे तां श्रापित हो।

गलातियां 3:10

ऐवास्ते जितने लौक व्यवस्था चे कामा उपर भरोसा राखी वे श्राप चे गुलाम छी कांकि लिखले आले छै कि “जको कुई व्यवस्था चीया सारीया बाता पुरीया करने मां मजबूत ना रिही ऊं श्रापित छै। ”

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

तीतुस 3:10

कुई फूट नाखणे आले नु हेक ङोन वारी समझाती ब़ुझाती ओचे कनु अलग़ रेह।

2 पतरस 2:14

वांचीया आंखीया मां व्यभिचार बसला आला छै ते पाप करले बगैर आलीकर ना सग़ी वे चंचल मना आला नु बकाती गिही वांचे मना नु लोभ करने ची आदत हुली भिली वे श्राप ची ऊलाद्ध छी।