इफिसियां 5:8 - ओङ राजपूत

⁸ कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

इफिसियां 5:8 Iomraidhean Croise

मत्ती 3:8

मन फिराव चे जोगा फल आणा।

मत्ती 4:16

जको लौक अन्धारे मां जई पलते वाणे हेक बङे सोज़ले ङेखले। ते जको लौक मौत कनु ङरती कर जीवी पलते, वांचे उपर, बङे सोज़ले पड़ले।”

लूका 1:79

कि अन्धारे ते मौत ची छईं मां ब़ेसणे आला नु सोज़ले ङियो, अम्चे पग़्ग़ा नु शान्ति चे सही मार्ग़ उपर चलावी।”

लूका 16:8

“मालिक ने ओ बेईमान मुनीम ची सिफत करली कांकि ओणे चतराई लारे काम गेहले हुते। कांकि ईं संसारिक लौक आपणे जिसड़े लौका लारे व्यवहारा मां सोज़ले ची ऊलाद्धी महु घणे चत्तर छी।

यूहन्‍ना 1:9

सच्‍ची ज्योति जको हर हेक बन्दे नु सोज़ले ङिये, संसारा मां आवे पलती।

यूहन्‍ना 12:35

ईशु ने वानु केहले, “सोज़ले हमा थोड़ी देर तक तम्चे बीच मां छै। जब तक सोज़ले तम्चे लारे छै तब तक टुरते रिहा, इसड़ा ना हो कि अन्धारे तम्हानु आती घेरे। जको अन्धकार मां चले ऊं ना जाणी कि किंघे जाये पले।

यूहन्‍ना 12:36

जब तक सोज़ले तम्चे लारे छै सोज़ले उपर विश्‍वास करा, कि तम्ही सोज़ले ची ऊलाद्ध बणा।” ये बाता केहती, ईशु चाह्‍ला गेला ते वाकनु लुकला रेहला।

यूहन्‍ना 12:46

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

प्रेरितां चे काम 17:30

हमा तक तां नरीकारा ने अज्ञानता चे समय उपर ध्यान कोनी ङिला। पर हमा तां हर जग़हा सारा बन्दा नु मन फिरावणे ची आज्ञा ङिये पला।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

रोमियां 13:12

रात घणी बीतती चुकली, ते ङिओ निकलणे उपर छै, ऐवास्ते अम्ही अन्धकार चे कामा नु छोड़ती कर ज्योति चे हथियार कसती गिहा।

रोमियां 2:19

अगर तु आपणे-आप उपर भरोसा राखी कि, तु अन्धा चा अग़ुवा, ते अन्धारे मां पले आला ची ज्योति,

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

2 कुरिन्थियां 6:14

अविश्‍वासीया लारे कुई साझा ना राखजा। कांकि धार्मिकता ते अधर्म चा का मेल-जोल? जा सोज़ले चे ते अन्धारे ची का संगति?

गलातियां 5:25

अगर अम्ही आत्मा चे लारे जीते छिऊं, तां आत्मा चे अनुसार चलु वी।

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

इफिसियां 4:18

जको बेकार ची बाता करी वांचे दिमाका उपर अन्धकार छै वांचे मूर्खता ते मना ची कठोरता चे वजह वे नरीकारा कनु मिलणे आले जीवन कनु दूर छी।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 1:13

नरीकारा ने ही अम्हानु अन्धारे चे वशा महु छुड़ाती कर आपणे प्यारे पूता चे राज़ मां दाखिल करवाले।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।